سلطه لذيذهـ جدا
من اختراعاتي القميله ,,
طبعا ماصورت المقادير والطريقه لاني من لما ادخل المطبخ انسى حالي وماتفرغت اصور
بس صورت لكم الشكل النهائي راح تشوفونه ألييييييييم جداااا
يم يمييييييييييييييي
المقادير:
مارح احدد الكميه انتي حدديها بنفسك
دجاج مفروم
بطاطس مقطعه مكعبات و مقليه
جزر مبشور
فاصوليا حمراء معلبه
ذره معلبه
3 او اربع حبات اندومي
وجبنة كرافت تشيدر
مقادير الصوص :
3 علب زبادي
4 ملاعق كبيره كاتشب
3ملاعق كبيره مايونيز
ملح وليمون
الطريقه:
اطبخي الدجاج عادي جدا عالنار مع ملح وبهارات لحدما ينضج
وحطيه بصينية التقديم كطبقة اولى
نجي للطبقة الثانيه اللي هي بطاطس
قطعيه مكعبات على حسب الكمية اللي تناسبك ممكن حبتين متوسطة الحجم
واقليها في زيت ونشفيها من الزيت بورق نشاف وحطيها فوق الدجاج كطبقة ثانيه
الحين ابشري جزر وحطيه طبقة ثالثه
ثم صفي الفاصوليا الحمرا والذره من مويتها الموجوده بالعلب وحطيها طبقة رابعه وخامسه
الحين نجي للاندومي
جيبي ثلاث حبات اندومي كسريها وهي لسى جوات الكيس (عشان لما تجين تغرفين سلطه ماتنشب لك الاندومي لما تكون طويله بيصعب غرفها مع باقي المقادير) واسلقي ثنتين منها سلق عادي جدا زيما نطبخها احنا الطبخ المعروف بهاراتها وكلش
وحطيها فوق السلطه
الحين بقي عندنا حبة اندومي وش نسوي فيه ؟
كسريها وأقليها في زيت لحدما تصير ذهبي انتبهي لاتحترق لانها ماتحتاج وقت طويل
ثم حطيها عالاندومي اللي قبلها
وابشري جبنة كرافت شيدر وحطيها عالوجه وبص
والحين الصوص
اخلطي مع بعض جميع المقادير الزبادي والمايونيز والكاتشب والملح وشوي عصير ليمون
وحطيها بصحن لوحده
وقدميها بالعافيه ,,
وهذا الشكل النهائي حبيباتي ,,
السلطة والصوص تبعها
صوره للطبقات من قريب
اتمنى اشوف تطبيقاتكم لها ,,:)
راح تعجبكم كثير ,,
و دمتم بصحه وسعادة لاتنتهيان ..:26:
