السلاااااااام عليكم ورحمة الله وبركاته
عندي لكم سلطه خطييييييييييره ولذيذه
كل ماسويتها ياخذون طريقتها..
والاهم من كذا سهله جدا جدا جدا..انا مسميتها سلطة الرفله خخخخ
المهم خذوا المقادير والطريقه:
جرجير
خس
طماطم صغيره (تشيري تماتو)
صدور دجاج
الصوص:
زبادي
مايونيز
ثوم
ملح وفلفل اسود
الطريقه:
قطعي الجرجير والخس الى قطع كبيره شوي والجرجير كميته تكون اكثر من الخس..طعمه الذ
وقطعي الطماطم الصغيره الى نصفين..
اخلطيهم كلهم مع بعض صبي عليهم شوي زيت زيتون وحطيهم بصحن التقديم
خذي صدور الدجاج رشي عليهم ملح وفلفل وشوي كمون
حطي بمقلاة شوي زيت زيتون..الين يحمى الزيت,,حطي صدور الدجاج عليه وغطيها الين تتحمر
وبعدين اقلبيها على الوجه الثاني وغطيها ..الشغله ماتاخذ منك اكثر من 10 دقايق
شيلي الصدور وقطعيها شرايح واضيفيها فوق السلطه..
اخر شي اخلطي مكونات الصوص مع بعض (تقريبا علبتين زبادي مع ملعقتين مايونيز وفص ثوم )
وملح وفلفل طبعا وغطي السلطه بالصوص بدون ماتخلطينها..
وقدميها الف صحه وهنا...
بس شكل هالسلطة مشهي
وان شاء الله اجربها
تسلم الايادي