سلطة السيزر من فم الشيف......

هذا انا يا اخواتي من شهر تقريبا كنت انا وابو العيال نتغدى في اوتيل جديد ...المهم الغدا كان بوفيه مفتوح ومن بين الاطباق كان هناك سلطة السيزر ويسويها الشيف طازه قدامك اعتقد لانها ما تتحمل تنعمل قبل بوقت .....

المهم انا طلبت من السلطه وانهبلت على طعم " الدريسسينق " حقها ...وصممت اسأل الشيف وش هو قاعد يحط فيها ....؟؟؟

وبالفعل ما قصر من سألته جاب ورقه و قلم ونقلني المقادير وهي كالتالي :

ملعقه صغيره بذور الكابرز المخلله ( وهذي تلقينها بسهوله مع المخللات في السوبر ماركت وسعرها رخيص والعلبه تكفيك عدة مرات )
ملعقه صغيره من الانشوجه ( وهذي برضه مع معلبات التونه في السوبر ماركت وارخص من التونه وطعمها حاذق )
ملعقتين كبار مايونيز
ملعقة خل
ملعقتين زيت زيتون
ملعقتين عصير ليمون

حطيهم سوا في الخلاط لحد ما يتجانسوا ثم تكوني محضره مقادير السلطه الباقيه وهي :

شرائح دجاج مقلقله
خس امريكي شرائح

اذا حبيتي شوية طماطم مع شوية زيتون اسود مافيه مانع ......
طبعا نحط الخلطه اللي فوق مع مقادير السلطه قبل التقديم مباشرة ونرش عليها البارميزان ونزينها بشرائح التوست المحمرة .........

وبالهنا و العافيه:27: