انا اعترض @ana_aaatrd

محررة

سلطة الشمندر

السلام عليكم ورحمة الله وبركاته ..

طبعا انا اعترض جدا على هالوصفه مع اني احبها ..

والمقادير والكميه اللي انا معترضه عليها ترجع لذوقكم في الاكل ..

شمندر من 3 الى 4 حبات صغيره او حسب رغبتكم

خيار مخلل ( الكميه حسب الذوق )

ذرة حب علبة صغيره او كبيره مثل ما تحبون وهالشي انا اعترض عليه

بصل اخضر

روب

مايونيز

وممكن للي يحبون الخيار العادي حبة

ملح وفلفل ونعناااااااااااااااااااااع يابس ..

الطريقه

الشمندر ما تنسلق بسهوله يعني في قدر الضغط ياخذ ربع ساعه .. طبعا تقشر وتقطع دوائر وعلى طول في الضغط مع الماء .
وبعد السلق تقطع مثل السلطه
وتقطع باقي المقادير كما السلطه

نخلط الروب والمايونيز مثلا لو حطيتي علبه روب صغيره بس ملعقتين مايونيز كفايه

ملح وفلفل اسود

ورشة نعناع على الوجه

ومع اعتراضي لهالوصفه واللتي اتمنى تحوز على اعجاب الجمهور .. اعترض

يلزم عليك تسجيل الدخول أولًا لكتابة تعليق.

تسجيل دخول

نزف المحاني • 15 سنة

صلي على نبيك • 15 سنة

يعطيك العااافية يارب على الووووصفة

انا اعترض • 15 سنة

الاخت نزف المحاني
بما ان وجودج شي جميل في صفحتي فلا اعترض ..

شكرا على المرور وخبريني لو جربتي السلطه

صلي على النبي

اللهم صلي وسلم على نبينا محمد وعلى آله وصحبه اجمعين .

جزاج الله خير على المرور الكريم ..

الشيف ننّا • 15 سنة

حبيبتي مثل وصفتي...

http://forum.hawaaworld.com/showthread.php?t=1295756

انا اعترض • 15 سنة

الشيف ننا

يا سبحان الله ..

انا اعترض على تشابه السلطه .. سلطتي بالشمندر الطازه

وسلطتج بالشمندر المعلب

سلطتي بدون زيت زيتون وسلتطج بالزيت

سلطتي بالنعناع اليابس وممكن اضافه خيار طازه
سلطتج بالسماق ؟!!

لذا لا وجود للتشابه ابدا .. وما يخصني انا بسلطتج ولا انا نقلتها من اي منتدى والحمد لله ولا انا الفتها هذي سلطة معروفه عندنا ؟!!

واخو ريلي حضر من امريكا وشو عجبته ,, ويوم رد لامريكا سواها بالشمندر المعلب وقالي ما تطلع مثل الطازه ..

لذا وبكل اعتراض . اعترض على التشابه ( مع اقراري بالتشابه الا في بعض التفاصيل ) ههههه

وبكل ترحيب حياج الله .وشكرا على المرور اللطيف