سلطة الكيكه روووعه بالصور

وش رايكم بالصور
هذي السلطه اخذت مقاديرها من هذا المنتدى والله ماذكر وش اسم صاحبة الموضوع الله يجزاها خير
وسويت هذي الكيكه قصدي السلطه على الغدا بصراحه شكلها حلوووو وغير تقليدي
المقادير
2كوب خس مقطع
2 حبة جزر
كوب بقدونس
2 حبة باذنجان مقطع مكعبات ومقلي
2 حبة بطاطس مقطع مكعبات ومقلي
كوب زهره مقليه
كوب حمص (حب)
مقادير الصلصه.........
2 علبة زبادي
2 ملعقه طحينه
2 ملعقة مايونيز
نص ملعقة خردل
نص ملعقة من كل من(كمون.نعناع.سكر.ملح.فلفل اسود)
الطريقه.............
تجيبين قالب الكيك اللي مفتوح من النص وتحطين شرايح الخس بعدين الجزر والبقدونس بالترتيب وتصبين فوقهم جزء من الخلطه بعدين تحطين المقليات ثم الحمص وتصبين الخلطه فوقهم وترصينهم عشان لايتفككون وتحطينها بالثلاجه لمده لا تقل عن اربع ساعات
طبعا هذي الطريقه مثل ماكتبتها صاحبة الموضوع
بس انا ماكان عندي خس فحطيت الطبقه الاولى بقدونس وجرجير وضغطت عليهم باليد
المقليات ماقليتها سلقتها بعدين شوحتها في المقلاة مع شوي زيت
وخليتها في الثلاجه ساعه بس
اتمنى انها تعجبكم..........