سويت اليوم طبق ... طبق ... مدري وش اسميه فته وألا سلطة بس يالله نسميه سلطة المحبة المشكله
بس صراحة طلعت رهيييييييبة مع أني تهزأت شوي من أبو الشباب .... يقول ماأحب هالأشكال بس خليته يحبها غصب من حلاوة طعمها
يالله نبدأ بالمقادير وعلى فكرة تراها على حسب الذوق يعني المقادير علي والكميات عليكم كل وحدة تزيد وتنقص على رغبتها ورغبة اللي بياكلونها
بطاطس ، باذنجان مقطعه مكعبات ومقليه
زهرة مقليه
خس
بقدونس وكزبره
خيار >>>> حطيت حبه وحدة بس
فجل وبصل أخضر >>>> ماكثرت عشان فيني القولون وخفت يصول علي
حمص حب
خبز مقمر >>>> قمرته في الفرن ماأحبه مقلي وكل وحده ورغبتها
كمون وفلفل أسود
سويتها على شكل طبقات
أول شئ الخس وكثرته لأن زوجي يفضل الخضرة أكثر وبعدين باقي المقادير ماعدا الخبز
خلطة الوجه:
زبادي منزوع الدسم (حسب الرغبة بس أفضل لأن باقي المكونات دسمه)
ملعقة خردل ، ملعقة كاتشب
2 ملعقة لبنة
ملعقة صغيرة مايونيز
شوي زيت زيتون
خل ، ليمون ، ملح ، كمون ، فلفل أسود
تخلطين المقادير كلها مع بعض وتحطينها فوق السلطة وبالأخير الخبز المقمر
أخليكم مع الصور وعلى فكرة الخطوات الأولى ماصورتها لأني ماتوقعت تطلع حلوة
وعليكم بالعافيـــــــــــــة
أتمنى تعجبكم
مدري ليش الصور ماتطلع مع أني جربت مع أكثر من مركز للتحميل
على العموم هذا هي في المرفقات والعذر والسموحه
