هالسلطه كنت اكلها بالكافيه تخبل مووووت
وكان سعرها غالي وبصحن حيل صغير والمكان مشوار بعيد
قلت خلني احاول ازبط مثلها
وطلعت نسسسخ لصق الحمدلله وحبيت اشارككم
سلطة المكرونة :
مكرونه اصابع صغار
بطاطه مقشره ومقطعه مكعبات صغاار
خيار مقطع صغار
جزر مبشور ناعم
كاتشب حار او العادي
مايونيز
رشه خل
رشه ملح
اول شي اسلق المكرونه بماء ورشه ملح وزيت واخليها لين تصير نص استوا اضيف البطاط لان البطاط ينجح بسرعه ( لازم مايكونوا مهروسين اوك )
انشهم واضيفهم للزبديه ( الصحن المطيبه الي تسموه)
واعمل فوقها الخيار المقطع والجزر المبشور
واخلط ع جنب بالملعقه كاتشب ومايونيز بكميات متساويه وضيفي فلفل حار لو تبينها حاره ورشه خل واضيف ماء بالتدريج لين احصل ع القوام المناسب
واضيفه فوقها واخلطهم كويس واذوق لو ناقصها ملح اضيف ملح
واضيف فوقها لو تحبون زيتون اسود
والف عافيه
الله يسعدك ويعطيك العافية..