سلطة سزر سهلة وسريعة وطيبة وبتاخد العقل وغير شكل

مرحبا
انا كتير كتير حبيت المنتدى تبعكن مشان هيك قررت اني حط مشاركة زغنوتة وانشالا بالمرات الجاية بحط مشاركة اكبر
سلطة سيزر طيبة كتير وغير شكل
المقادير
صدر دجاج مشوي
شريحتين توست محمصين(مو محروقين)
خسة مفرومة ناعم ومتروكة ساعتين لتدبل
ربع كوب جبن موزارلا مبروش

الصلصة
ملعقتين كبار مايونيز
ربع كوب حليب
ملعقة كريمة
ملح
فلفل
الطريقة:
نفرش الخس في جاط السلطة ومن ثم نضع التوست المحمص والمقطع مكعبات وبعدين منفرفط الدجاج لقطع زغيرة ومنوزعو فوقن ومنحط الجبنة عالوش من فوق
هلء منحضر الصلصة بخفق المايونيز مع الحليب والفلفل والملح والكريما بالبلندر ومنحطا عجنب كل واحد بيحط قد ما بدو
وصحة وعافية.