سلطة فواكة بالساقو....................... ...والحليب رهيبة

مرحبا
حبيت اليوم اكتب لكم طريقة سلطة فواكة غير المتعودين عليها
بشهادة ابو العيال والعيال انها لذيذة وحتي ياكلونها الصبح

المقادير

ليتر حليب المراعي
1 كوب ساقو
فنجانين سكر او حسب المذاق
وفواكة الموجودة عندج في الثلاجة

الطريقة
تغلين الحليب علي نار هاديه لين ما تقل الكمية شويه انا ياخذ ويايه تقريبا 35 دقيقة علي نار هاديه اهم شي علشان ما يحترق ويكون طعمه مب حلو واتضيفين علي تقريبا فنجانين سكر او حسب الحلاوه الي انتي تبقينها زبعدين خليه يبرد زين.

لحد ما يغلي الحليب انتي اغسلي الساقو وخليه دقيقتين في الماء لحد ما تجهزين الماء لغلي الساقو يوم بيغلي الماء صفي الماء الاول واضيفي الساقو في الماء الي يغلي وانتظري حتي ينضج اتكون حبة الساقو شفافه صفي الساقو من الماء وخليه يبرد.

اضيفي الساقو علي الحليب البارد ودخليهم الثلاجة .
بعد ذلك قطعي الفاكهة واضيفيها علي الحليب والساقو.
الاحسن اتسوينها قبلها بيوم لأن اتكون الذ اليوم الثاني.

صدقوني ما بتندمون اذا جربتوها والكل بيسأل كيف سويتيها انا اسويها اخر الاسبوع يوم يتجمعون الاهل ما يبقا منها شي.
ممكن انتي اتضيفين عليها اي شي ثاني اتحبينه مثل ماء الود اشويه فيمتو اتغيرين كل مره .
ارجو من الي يجربها يقول لي رايه.

:)