سلطة كأنها كشرى منو تعرف طريقتها ؟؟

اسمحى لى بنقل الموضوع :26:

ها يا بنات ما عرفتوها

من عيوني يا غالية طبعا اسمها
سلطة الكشري
كوب عدس
3بصلات متوسطة مقطعة شرائح ضعييفة ومقلية الى ماتكون ذهبي
كوب ونصف مكرونة الحبات الصغار مالة الكشري وهي الافضل أو مكرونة لسان العصفور بس ما أحط فيها رز
3 بطاطا مقطعة مكعبات صغار ومقلية
نص كوب بقدونس مفروم
خبز مفرود مقطع مربعات صغار ومقلي أو محمص

الصلصة
عصير ليمونتين
ملعقتين خل
2فص ثوم مفروووم
ملح - فلفل أسود - فنجان أو أكثر زيت زيتون
تخلط المقادير كلها مع بعض الا الخبز المحمص وتشرب بالصوص قبل التقديم بساعةوتبرد في الثلاجة ولازم تذوقيها يمكن تبغى زيادة حامض أو ملح
واثناء التقديم تزين بقليل من البقدونس والخبز المحمص
الله يوفقك ادعيلي من صالح دعائك

طبعا العدس أسود مال الكشري مسلوق مع شوية ملح
المكرونه مسلوقة بشوييية ملح ايضا ولازم تكون صغار
ونسيت اخبرك اني جربت ما اضيف البطاطا المقليه الا وقت التقديم تطلع رهيييبة احسن من لو تركتها تتشرب الصوص لفترة يعني وقت التقديم احط البطاطا على المقادير المخلوطة بالصوص
ومن ثم اضيف الخبز المحمص

الله يعطيج العافيه ويرضى عنج دنيا وآخره سويتها اليوم وطلعت فعلاً لذيذه ونفس إلى كنت أبحث عنها
حتى وأنا أسويها أقول بقلبى إهى نفسها بالضبط

الله يعطيج الصحه والعافيه