اليوم سويت هالسلطتين على الفطور وحبيت اشاركم واوريكم ياهم
السلطه الزهره باعواد البطاطس
مقاديرها :
زهره مقطعه صغيره
ملفوف مقطع شرايح
علبة بطاطس العيدان المالحه
الصوص :
2ملعقة مايونيز
2ملعقة خل
1ملعقة عصير ليمون
3 ملاعق متبل ايطالي قودي او ممكن تسوينه بالبيت شان البطاطس ماتذبل
الطريقه :
تقطع الزهره وتقلى بزيت
ثم تضعينها على الملفوف الشرايح وعيدان البطاطس وتخلطينهم مع بعض ثم تتبل بالصوص وتقدم وبالعافيه على قلوبكم
ملحوظه : لاتخلطيهم الا وقت التقديم عشان البطاطس ماتذبل
السلطه اليونانيه :
مقاديرها :
خس امريكي وان مافي ممكن استبداله بخس عادي
خيار يقطع نص دوائر ضعيفه
جزر مبشور
كاس زيتون شرايح اسود
طماط مقطع مكعبات
جبن ابيض النوع اللي تبينه ويفضل مالح او فيتا
الصوص :
3ملاعق زيت زيتون
عصير ليمونه
2ملعقة خل
ملح
رشة فلفل اسود
الطريقه :
توضع المقادير بالترتيب على طريقة المقادير مثل اولا الخس وبعدها الخيار ثم الجزر الزيتون الطماط الجبن
ثم عند التقديم نضع الصوص
ويزين بالسماق او النعناع
وبالعافيه
