دى سلطه حلوه قوى يا بنات وبتكون شيك قوى قوى فى العزومات ومفيده كمان لاولادنا
المكونات :
ربع كوبايه مايونيز
ليمونه
لبن او كريمه لبانى
رشه ملح ورشه فلفل ابيض
ربع كوب بقدونس متقطع ناعم
1 جزره كبيره
ربع كوب بسله
حبه بطاطس كبيره او2 صغيرين
الطريقه :
بنحط المايونيز فى بوله ونعصر عليه الليمونه ونخففه باللبن لغايه ما نوصل للقوام المطلوب اللى هو وسط لا جامد ولا سايح
نكون سلقنا البطاطس وقطعناها مكعبات
وسلقنا الجزر والبسله
نحطهم على المايونيز مع البقدونش ونقلب وبعدين نحط رشه الملح ورشه الفلفل وندوق لغايه ما نظبط الطعم
وندخلها الثلاجه على الاقل ساعه قبل الاكل لانها كل ما سقعت كل ما كانت احلى
وتقدم بالهنا والشفا
(على فكره المقادير دى تقريبيه يعنى انتى على حسب اللى بتحبيها ممكن تذودى او تنقصى براحتك وممكن كمان تضيفى بروكلى او ذره )
<A href="http://www.*******.com/vb/showthread.php?t=6954">
