سلطه ايطاليه تصيح من زينها

السلام عليكم ...

ازيكو يابنات ياحلوات لتنويه للمره الالف منيب صاحبة النك انا اختها:o

بمسط لكم الطريقه على طول لاني بروح اتغدى :23:
المقادير:
1- كيس مكرونه الملونه اللي تجي دوائر صغيره واذا ماحصلتوها جيبو المكرونه الملونه المبرومه

2-بروكلي ولد عم الزهره بس لونه اخضر

3-فطر معلب واذا انتي سنعه حطي طازه

4-اربع حبات فلفل كبير كل وحده لونه اخضر واحمر واصفر واورنج

5-صحن صدور دجاج

6-ملعقتين كبار اوريغانو ...للقراوى اسمه زعتر بري<<<بيشوتونها برا المتندى من اول موضوع:30:

7-ذرة ملح وفلفل

8-ملعقتين زيت زيتون

9- بصله صغيره وفص ثوم صغير
مقادير الصوص:

ملعقتين الى ثلاث ملاعق خردل (ماسترد)

بيالة زيت زيتون

ملعقه مايونيز


الطريقه:
1- تسلق المكرونه سلق عادي بمويه وشوي زيت وملح لحد ماتستوي بس لاتكثرون الملح واسلقوها سلق كامل

2-يسلق البروكلي لمدة عشر دقايق بدون شي

3- يقطع الدجاج مكعبات صغير ويوضع عليه ملعقه زيت زيتون وذرة ملح وذرتين فلفل ويوضع بالثلاجه لمدة ساعه وطبعا اول شي ابدا فيه الدجاج قبل لااسلق المكرونه او البروكلي عشان اخليه ساعه بالثلاجه بس من الطفاقه كتبت المكرونه اول:21:

4-بعد ساعه اطلع الدجاج واحمس بصله صغيره مفرومه مع ثوم بزيت الزيون واحط مكعبات الدجاج عليها واحط ملعقتين اوريغانو واقلبها لما تستوي واغطيها شوي عشان يذبل الاوريغانو

5- اكون بالوقت اللي احمس فيه الدجاج ركبت على المكرونه الملونه وعلى البروكلي وسلقتهم واصفيهم واحطهم بصحن عميق واحطهم مع بعض وعلى بال مايستوي الدجاج اقطع الفلفل الملون شرائح طويله واحطها على المكرونه والبروكلي

6-افتح علبة المشروم واصفيها واضيفها على ماسبق ذكره من مكرونه وبروكلي وفلفل

7-اذا استوى الدجاج اضيفه على المكرونه وتوابعها

8-اخلط الخردل مع زيت الزيتون والمايونيز خلط جيد واضيفه على المكرونه

9- اقلبها تقليب جيد ويفضل اكلها دافئه وعارفه بتدعون لي ان شاء الله

ملاحظه:تراها قسم بالله لذيذه وكل ماسويتها سألوني وش مقاديرها وترى اللي ماتحب الماسترد تراه يضيع طعمه مع الزيت زيتون والمايونيز وجربوها وبتدعون لي:32: