سلفاتي ينتقدوني ويسبو شكلي

انا ماشاء الله عندي 6 سلفات الله يحفظهم علاقتي فيهم حلوه خصوصاً الكبيرات لأنهم عاقلات لكن الصغيرات 3 اخوات متزوجات اخوان زوجي وانا طبعاً زوجة الولد الاخيييير
المشكله في سلفاتي الثلاثه الاخوات فيهم غرور ومرررا يمدحو انفسهم ويهزئوا الناس يلي حواليهم هما ماشاء الله حلوين واجسامهم ممتلئه بعضهم امتلاء خفيف وحلو وبعضهم امتلاء زايد وكرش وانا اللهم لك الحمد نحيفه لكن مو مرآ واصغر منهم بالعمر وشكلي ناعم وهما دايماً يتكلمو على جسمي ويقولوا جسمك مرا نحيف زيدي وزنك ووحده تقول لي انتي ليش ماتزيدي وزنك مثلي غاري مني !! قلت لها لاياحبيبتي انا مو غيورا الحمد لله وجسمي عاجبني ، مع انو وربي وربي صاحباتي بالجامعه يغبطوني ع جسمي ويقولوا ماشاء الله عليك ي ليت اجسامنا مثلك ! لكن سبحان الله حتى لما يكون الواحد راضي بنفسو يتسلطو عليه الناس ويهزو ثقته بنفسه !
ولما احد من اهل زوجي يمدح اشكالهم يقعدو يطالعو فيا بغرور وبطرف عينهم يعني بحركاتهم هاذي يسببو بقلبي كره لهم وغيره مع اني دائماً ادعي انو ربي يطهر قلبي ومايشغلني بالناس واتجنبهم قدر المستطاع لكن هما يتكلمو علي واغلب كلامهم انتقاد ، ولما احد يمدحني يقعدو يطالعو بعض ويسكتو كأنو موعاجبهم الحكي !!
وعندهم قناعه واعتقاد انو كل الناس تغار منهم وانهم افضل الناس مع انهم دايم بالمناسبات يقولو نبغى نروح للصالون عشان نطلع احلا من بنات فلان !! انا الحمد لله الصفه هاذي مو موجوده فيني انا اكشخ عشان اطلع حلوه مش عشان اكون احلا من فلانه وعلانه !!


صراحه احس ثقتي بنفسي اهتزت من كلامهم ونظراتهم مع اني لما اطالع نفسي بالمرآيه اشعر برضا عن نفسي مع اني قبل الزواج كانت ثقتي بنفسي مفرررررطه اللهم لك الحمد لكن بمجرد مااكون معاهم في مناسبه صرت افكر بشكلي على طووول مع اني ماكنت كذا قبل لا اتزوج


كيف اتصرف معاهم بالله ؟ وهل مر عليكم مثل العقليات دي ؟؟

وهل انا غلطانه بتفكيري ولا لا ؟!