سلفتي..عليي إثم لو ما سامحتها بينقبل صيامي وأنا شايلة عليها؟؟

الموضوع طوييييييل جدا ... بعتذر منكم عطوله و تفصيله ... المهم انا عندي سلفة
يشهد ربي عليي اني ما جيت فيها و لا أذيتها و لا حاولت ارد كيدها بكيد متله ابدا
كل مشاكلها و غلطها كنت اعالجها باني اتجاهلها تماما و كأنها مو موجودة
تبلت علي مجرد ما خطبني زوجي ... و تحديدا تاني زيارة الي لبيت اهل زوجي
حكت بعرضي و شرفي وهي أساسا ما بتعرفني خير شر ...
وحافظت عهدوئي لانه ربنا سخرلي ام زوجي و سلفي ( زوج الظالمة ) يدافعوا و يردوا عني
ام زوجي قالتلي حقك انا باخدوا بس لا تردي عليها و فعلا و الله العظيم اني حتى ما قمت من مكاني و زوجي مسك ايدي و جلس جمبي وصار يضحكني و هي تصرخ و تسب و تلعن وتحكي كلام و مصطلحات قذرة طبعا أكلت اللي فيه النصيب و أخدت مفاتيح سيارة زوجها و راحت
وأنا عادي مروقة ... فهموني يومها انو هي هيك دائماً مع أي وحدة بتجي عندهم الا تعمل مشاكل وأنها غيرة ... انا ما عدت احكي معها ابدا حتى لو شفتها اطنش وجودها كأنها حيط و لا تأثرت قدامها من اتهاماتها ... نقلت مرضها النفسي على الفيسبوك و صارت تحكي عني نفس الكلام الكبير واني ساقطة و رخيصة و ......... كلام جدا وسخ
و ربنا سخرلي سلفي التاني ساكن بغير منطقة شاف كلامها هو وأم زوجي ومسحوا فيها البلاط و مسحت كلشي .. وأنا اختصارا للحرب عملتلها بلوك ... ما ارتاحت أخدت الرقم السري تبع ام زوجي وصارت تدخل من حسابها تشيك على صفحتي انا وزوجي
وعملت حسابات وهمية و بعتتلي انه هي حبيبة زوجي السابقة و كلام و اهانات
مشيتها و سكتت وما بينت أي تاثر ويمكن هاد اللي ولعها اكتر
انتقلت وعشت ببيت اهل زوجي مع امه و أبوه
قامت قاطعتهم قال ما بتفوت هداك البيت الا اذا انت طلعت منه
بعد شهر رجعت من حالها وعملت عزيمة واصرت أروح ... رحت غصب عني كرمال زوجي و امه وبس .... اول ما دخلنا وكانت عزيمة مشاوي هههههه واحنا جليلين معنا تقريبا كلشي لحمة و دجاج و مفتو ... قال زوجها لامه هي ما رح تقعد تخدم فيكم انتو حضرو اللحوم و نظفوا وراكم !!
وفعلا هي ما عملت الا أنها سكبت الرز اللي عاملته بصحن التقديم !!!!!! فقط لا غير ام زوجي قعدت تحضر و تغسل الصحون و انا ما هان عليي فيها وقفت اساعدها وقلبناها ضحك


مشينا الموضوع .... رجعت للمشاكل عطول
و كل يومين تلاتة خناقة و صراخ و غلط .. كانت بس بدها ياني ارد وأنا ما فشيت خلقها ليش ارد و في مين يدافع عني
بعدها بيوم قعدت تحكي معي بحضور ام زوجي
وقالتلي بالحرف الواحد انه هي راحت قالت لسلفتي التانية اني وحدة ساقطة و قليلة تربية واني فايتة على العيلة عشان أخرب ازواجهم عليهم وعبت راسها عليي والتانية فعلا اقسم بالله أنها قطعت اهل زوجي تماما لاني سكنت معهم وهي و ربي ما بتعرفني نهائيا بس من كلام العقربة عني .. و منعت حفيدهم عنهم كنوع من الضغط كمان لانها بتعرف قديش متعلقين فيه
و عملت معي مشكلة عشان صورة ابنها حطها زوجي علفيسبوك تبعي وهددتني قال ترفع علي قضية !!!!!!
ولما شافتني باردة طلبت الطلاق من زوجها ... كله عشان صورة !!!! طبعا هي مو عربية و تأثرت بكلام الشريرة
دارت الأيام رجعت وصارت تسلم عليي وتحاكيني و تعطيني ابنها الاعبه و اطعميه كأنها حست بغلطها

الشريرة الأولى رجعت اتهمتني اني سرقتها و حددت مبلغ و اهل زوجي خبوا علي و بالغلط زوجي غلط بالحكي عن هالموضوع .. قلي أنها ضاع منها مبلغ و اني انا سارقتو اكيد
نصعقت وحسيت بظلم مو طبيعي وكانت وقتها هي حامل بعد علاج و عذاب ... ما قدرت ادعي خفت يجي بابنها العقاب بسبب دعائي نحرقت وصرت ابكي وزوجي قلي انه من اول ما حكت سلفي اللي هو زوجها رد عليها وقلها انا وانتي عارفين انك كذابة ... هي ما هديت نارها حكت لأهل زوجي و اهل زوجي قالوالها كذابة و بنحلف على المصحف انه رمووشي بريئة من اتهامك
وهددوها ما بعرف بايش ما تفتح الموضوع ابدا

من مواقفها اللي ما بنساها هي البوم عرسها ... وقتها زوجي كان خاطب بنت تانية وبالالبوم الهم صور مع بعض ... بزيارتي عندها تعمدت تفتح على صور زوجي مع خطيبته القديمة و هو بالأساس كان يحبها و انا بعرف .. وحطت الالبوم على الطاولة قدامي من باب اني اشوفهم و بنحرق قلبي و زوجي مسكين وجهه صار ألوان ومسك ايدي و صار يضحكني وأنا بلعت السكين و صرت اضحك معه و ننكت ما خليتها تفرح
وما بينتلها أي قهر ... حتى لزوجي بعدين قلت له اني نحرقت بس ما تفشر وحدة متلها تعمل مشكلة بيني و بينك
لما ولدت حطيت كل هاللي صار ورا ظهري و عطول بعتلها مسج تحمدت بسلامتها وباركتلها
وهي ردت وعادي
بعدها رجعت لبيتها ... و إحنا كنا أخدين بيت بنفس المنطقة بينا و بينهم ربع ساعة مشي
وصارت تمل من قعدة البيت و فجأة نزلت عليها المحبة وصارت كل يوم تتصل علي بدها أخد بنتي و أروح اقضي النهار عندها و أمسك البيبي لبين ما تتحمم او تنام ساعة
وأنا صدقا ما قدرت ... وطنشتها وخبرت زوجي و امه اني ما بخطي خطوة بدون ما يكون زوجي معي .. ومن حسن حظي انه دوامه كان طويل فما رحتلها ابدا لليوم
اللهم اني التقيت فيها بالشغل عند زوجي و لعبت البيبي وحكيت معها عادي كانه ما عمرها اذتني
وبالصدفة كنا طالعين مرا لمطعم التقينا فيها هي وزوجها و اخوه التاني و قعدنا مع بعض و طلع عيد ميلادها وعادي حكيت معها كمان ولعبت البيبي و صورته وضحكنا وكلشي طبيعي وحكتلي انه أنها مريضة طلع معها كانسر بالعظم الله يشفيها

اول مبارح كان يوم الاستقلال عنا هون و كل الناس بتطلع عشان الألعاب النارية و طلعنا عا أساس لحالنا و انا ما دققت بلبسي لاني صدقا ما بعرف بوجودهم و بس طلع المشوار جماعي و زوجي الله يسامحه ما قلي.. شفتها و نزلت اسلم عليها قبل ما أوصلها سلفي التاني أجا باس بنتي و سلم عليي و انا كملت لعندها وسلمت عليها قامت لفت بعرباية ابنها وكأنها ما شافتني !!!
وأنا ضليت واقفة مع حالي و أجا زوجي ولعب البيبي بعدين رجعت لسيارتنا و قلت لزوجي
وانه ما يزعل لو بعمري ما عبرتها بعد اليوم و كلامو كان بدها تنكد الطلعة و مفكرة اني مو متسترة منيح عشان اغيظها وأنا يشهد عليي ربي ما كنت اعرف اني رح اشوفهم أصلا عبالي نقعد بمكان لحالنا وبس ... سلفي التاني شاف الموقف و قلي هاي وحدة مريضة لا تاخذيها عقلها مريحها




الدنيا فايتة عرمضان وأنا من باب انه الله يسامحني و يغفرلي و يهديني كنت ناوية ابدا صفحة جديدة معها و أنسى كل كلمة نقالت فيي و كل اتهام و تبلي و قذف ... بكل أمانة كنت ناوية ابدا رمضان بدون مشاحنات واضغط عنفسي و اصفح لوجه الله
بس كل مالها عم تخرب هالنية بتصرفاتها المريضة ... تناسيت القذف اللي صارلي ببيت زوجي منها و تناسيت أنها لما مرة دافع عني زوجي و ردلها المسبة هجمت عليه وعليي تضربنا بهدف انه زوجي يرفع أيدو عليها و تسجنه ،.. تناسيت أنها عملتني حرامية الله اكبر عليها
واني داخلة عالعيلة عشان أخرب ازواجهم و اغويهم ... تناسيت أنها راحت لأهل زوجي تقلهم اني مطلقة تلت مرات من قبل وأنها بتعرفني و انه سبب طلاقي سمعتي هالمفترية اللي ما بتخاف الله
كل ما تمر فترة برجع بطيب نية و بحكي معها كأنها عمرها ما اذتني

مو عارفة ... اجاهد حالي و عشان هالشهر المبارك اهنيها فيه متل ما ذكر الشيخ ( انت اللي نأذيت ابدا بالخير )
او اختصر و اعاملها متل كأنها مو موجودة أصلا ...
من جهة خايفة أضيع اجر و صيام رمضان و انا بقلبي كره ومشاحنة عليها
ومن جهة خايفة من شرها و انا فعلا مو قدها و لا تربيتي بتسمحلي أتعامل معها بنفس الاسلوب

علي ذنب او اثم ... ؟؟؟ هل رح ينقبل صيامي وأنا مقررة اقاطعها او و انا شايلة بقلبي عليها !!!!!
علي اثم لو قلت اني حسيت بكره ناحية ابنها لانه منها و لانه بيشبها وهو طفل مالو ذنب ..!!!!!

جاوبوني الله يخليكم و الله انه ما كانت نيتي الا انه ابدا رمضان و انا صافحة عنها رغم كلشي ولا الي أي نوايا تانية ابدا



طولت الموضوع وفصلته ولو كملت عن عمايلها والله بدي صفحات غيروا
بيعتذر منكم حبيباتي