ربي شاهد علي يا أخواتي اني ما كذبت و لا زورت عليكم بس للاسف أنا ما اقدر اقطع علاقتي فها ولا اقدر اهاوشها لان فمرة جربت و جلست فترة ما اكلمها و السبب حركاتها الناقصة بس ربي لا يوريكم اللي شفته من العايلة و أولهم أم زوجي مع انها تحبني لكنها خاصمتني عشانها مثل ما تقول ما عندي حريم عيال يتخاصمن وخصامكن هذا بيسبب فراق عيالي من بعضهم وهي صادقة عمتي لان فعلا في فترة زعلنا زوجي و زوجها ما كانو يتكلمون وانا ما اريد اكون سبب في قطع الرحم و بالاخص بين الاخوان و رحت انا و حكيت لعمتي اللي تقوله لكن عمتي ما صدقت فيها لانها عايشة معاها بنفس البيت و انا سكت و احتسبت الاجر عند الله بس انا ما أبيها تحكي لي عن اي حد حتى لما رجعنا نتكلم انا قلت لها قدام الكل لو سمحتي لا تجيبين لي سيرة فلان و لا علان واذا تكلمو عني سدي أذونك بس لا حياة لمن تنادي

اما بالنسبة لحركاتها مع زوجي فأنا تعبت منها لكن ايش اعمل وكلت امري لله بس دايما في فكري اقول مو معقولة الي تسوية هي متزوجة و عندها اطفال واستغرب منها لا جلسنا نتكلم و الله العظيم يا بنات تقول اشياء عن زوجي انا بنفسي ما اعرفها من كثر ما هي عينها عليه بس ايش اقول غير حسبي الله ونعم الوكيل وحتى زوجي قالي هذي مريضة نفسية بالغيرة و عندها نقص بنفسها لا تخلينها تخرب حياتك بس انا الوسواس ذابحني منها

اريدكم تعطوني كلمة اقولها لها لما تقول شي يخص زوجي عشان ابين لها انه عييب عليك لا تراقبيه هذا زوجك مو زوجي وان هي تعرف عنه اكثر مني يمكن تستحي على وجها

والله يا بنات غيرتها وصلت فيها لدرجة انها تراقب معاملتنا انا و زوجي لاطفالنا و تسوي المثل مع عيالها حتى اللبس تحاول تلبسهم نفس الشي و حتى طريقة عيالي في قولة ماما و بابا تخلي عيالها يقولون زيها واذا كنا جالسين و انا قلت ان عيالي يسون كذا ولا مثلا هذا طبع عيالي تقعد تقول تصدقين نفس حركات عيالي هم بعد يسون كذا ما ادري ايش اعمل انا ما اريد ابين لها اني منقهرة منها مع ان الكل ملاحظ حراكتها و غيرتها لكن ايش نعمل

طنشيها ولاتهمي لكلامها مهما قالت فلانه قالت صدقيني وانتبهي على زوجك منها

مهما كبرت عقلي بس اخاف فيوم تنجح بحركاتها

نفس اللي عندي حسبي الله و نعم الوكيل
بس أنا من البداية قاطعتها و حاقرتهاا
و كلش حتى السلام ما قوله لها

هي عينها عليكم من باب اللقافه وهذا طبع في كثير من الناس

عالجي الموضوع بالتطنيش واذا زوجك رجال يخاف الله فلا تخافين عليه ..
موفقه ،،،،،