سلفتي .. الله يريح قلبي وقلبكم ..

السلام عليكم ..




يابنات موضوعي او مشكلتي ماني قادرة افضفضها لاحد .. يابنات اخو زوجي خطب اختي و يوم ابوه عايش وبعد ماتوفى ابو زوجي قام اخو زوجي و خطب غير اختي و لا أعطى ابوي رد ولا كلمه او حتى اعتذر .. المهم صارت مشكله وشكلهم زعلوا انه ابوي هرجهم وذكرهم انهم خطبوا من عنده .. المهم من صارت المشكله و أهل زوجي تغيروا علي .. كانت ام زوجي تجيني انا وماتفضل غيري والآن والله مااشوفها تجيني سلام وتطلع لآخو زوجي فوق .. المهم سلفتي الي فوق صايره انا الطيبه وكذا تستقبل أهل زوجي وحركات حتى انه عيالها صايرين زيها يقهرون في عيالي يجي لي ولدي يبكي يبغى زيهم وأهديه وأقوله بعدين او اهجده بجوالي او اي شي .. انقهرت منها مره ليه وش التعامل ذا معي .. المهم اللحين الي خطب اختي تزوج وصاروا جمعات أهل زوجي بنحايتها وكلن يجلس عندهم لا يكلموني ولا شي .. ولما ادري انه سلفتي الي فوق معهم طيب ليه ماكلموني مااظن فيه خصوصيه لانه كل السلفات موجودات .. طبعات لي سلفات كثير واخت وحده لزوجي .. والله أني في شعور ماادري ليه مع انه انا بنت عمهم لكن فضلوا الغريبه علي وصارت الغريبه احسن مني عندهم والله ياعالم فيني بكي ماني عارفه .. احسني منبوذه بينهم .. ولا جلست معهم يقولي شوفي زوجك وعيالك و لا يصرفوني .. ماني عارفه اش اسوي .. تعرفون كيف عيالي يلعبون لحالهم و انا وزوجي جو لحالنا وأحسه ينقهر زوجي أني مو معاهم ومع انه انا انقهر ليه امه وهم كذا معي .. ؟! مع انه سلفتي طلعت علي كلام والله العظيم أني بغيت ابكي قدامها بس مسكت نفسي وبعده لما شافتني كذا قالت امزح ترا الي قلته مو زوجي و عشان زوجي يطفشني يقولي بيتك نظيف وانا لا .. والله الكلام يمسني ويمس شرفي .. وقلت لامي مقهوره منه مامشيت لها انه تمزح والكلام منها .. والله قاعده اقول لزوجي ننقل ماابغا جنبهم من بعد هرجهم وزوجي منهبل وش فيك وش فيه بيتنا .. فعلا بيتي مافيه شي لكن ماقدر أتحمل .. اكثر .. ولا اقدر اقوله بيصير مشكله كبيره بين الإخوان .. يابنات تكفون اعطوني رأيكم وش اسوي احسني مقهوره ليه مع بعض وانا مايبغوني ولا جلست معهم يصرفوني ولا يحرجوني بكلمه يمكن ابكي منها .. تعبانه تكفون اعطوني رأيكم .. والله ماعادت زي اول قويه واتحمل .. انظروا لموضوعي من جميع النواحي وياليت من غير هرج يجرح مااتحمل انا ..