سلفتي اه اه اه من السلايف

:icon33:كيفكم ياحوائيات انا حبيت اقول لكم مشكلتي لاني شفت في المنتدى ناس راقية فاهمة الحياة صح يمكن يفيدوني ويساعدوني ادخل بموضوعي على طول انا معلمة من سنين متزوجة عندي بنات واولا د يهبلون عايشة حياتي ولا احب اغلط على احد من يوم تزوجت قالي زوجي حياتنا شي خاص وين رحنا وي تمشينا ايش اشترينا اشياء مو لازم تتكلمين فيها عند احد ا احنا ما احنا ناقصين مشاكل مع اخواني الاخ شايل على السلايف من قبل لا يعرس ---المهم نفذت وصية زوجي وعاد تعرفونا يالحريم ما نحب نسكت نمرض ما ادري ايش يجينا المهم نجي للمشكلة كان عندي سلفة دخلت عرض في حياتي وانا على نياتي مو فاهمة شي من اللي يدسون السم في العسل كنت اجلس معاها بالساعات ما امل من سوالفها وطبعا نشكي من ازواجنا من مشاكل عيالنا بس باقي محافظة على وصية زوجي بس مع الايام صارت اذا اشترت شي دقت علي تعالي نتقهوى سوا انا على نياتي:44: تخيلوا باقي عباتي علي سحبتني توريني ايش اشترت قلت ما شاء الله بعدها بكم يوم نفس الشي نادتني طلعت شرت حاجة جديدة وهكذا صرت اعرف اذا نادتني انها اشترت شي جديد انا اقول ما شاء الله الله يهنيها بس اخر شي قالت انا زوجي ما يقصر علي ابد مو زي بعض المعلمات تشري ذهب وتقول زوجها اعطاها هدية :mad:انا صراحة هنا عرفت ان حركاتها كلها مقصودة عشان تغيضني وفعلا تعبت نفسيتي لان فيه اشياء قلت لها نفسي فيها راحت شرتها يعني انتي عندك راتب وما قدرتي تشترين وانا ما عندي راتب وطلباتي اوامر صراحة انا تعبت نفسيا منها و قلت لزوجي لو مخليني اتفشخر من الاول بسفراتنا وطلعاتنا ما كان لها عين تشوف نفسها علي لا تقولون اشتري ايش ناقصك انا نفسي عافت كل شي بعدما شفتها عندها وراتبي اقساط ما يساعد المطلوب يا حبيباتي انا بدات اغار منها واحس ما عاد اقدر اقابلها حلوا مشكلتي ولا احد يهزاني ترا اللي فيني مكفيني والله دايم ادعي في الصلاة ربنا لا تجعل في قلوبنا غلا للذين امنوا