كيفكن ياحوائيات ان شاء الله تكونون بافضل حال
طبعا باين من العنوان راح اقولكم نبذه مبسطه عنها <<حسيت اني مدرسة تاريخ
هي سلفتي وبنت عم زوجي كانت مخطوبه لزوجي وصارت بينهم مشاكل وتفركشت الخطبه وخطبني وتزوجنا وبعدها تصالحوا هم وعمانهم وقرر عمي يزوجها اخوه اللي اصغر منه عاد تعرفون الغيره لانه كان خطيبها وكانت كارهتني بشكل ماتتصورونه مع انها خلاص تزوجت اخوه
انا كنت ساكنه بيت ايجار بس بسبب ظروف زوجي وانه الايجار غالي قالي بنسكن عند ابوي في شقه مثل اخوانه وياليتني رفضت وقتها بس النصيب مااقدر اقول شي حاولت ادخل مع سلايفي فزيارات وسلايفي كانوا وحده اختها ووحده بنت عمها يعني مالي مجال معهم خصوصا اني من برا العايله واحسهم يتضايقون اذا جيت قمت سحبت عليهم كلهم وجلست فبيتي اذا مافيه مناسبه كبيره مااقابلهم والحمدلله ارتحت من مشاكلهم لكن هم ماارتاحو صارو عيالهم يزعجونا ويضربون عيالي اذا نزلو بلحالهم قلت خلني ابعد عن الشر صرت مازور احد غير اهلي الحمدلله انهم جنبي وعيالي دايم معي عند اهلي اخليهم يروحون لجدانهم مع ابوهم ويرجعهم لي وارتحت والحمد لله وجاء ذاك اليوم ويقترح فيه ابوزوجي على زوجي واخوه <زوجها>انهم ياخذون عماره مع بعض
عاد دوروني بغيت اموت واجلس ادعي ان الله يصرفهم عنا يكفي المشاكل اللي هنا وانا الصراحه ابي بيت ملك لوحدنا الدنيا حياة وموت ومااحد يضمن حقه حاولت مع زوجي بس حسيت انه مقتنع بكلام ابوه قمت تركته وش ابي بالمشاكل
ويوم الاربعاء جوني ضيوف وكان عندي عزيمه وهم دايم مايعزموني ابد وقمت انا ماعزمت سلايفي عزمت ام زوجي بس وعاد هم شبت الغيره ليه ماعزمتنا مع انهم عمرهم ماعزموني ولاعمري اشتكيت بكيفهم كلن حر بيته وقامت لبست بزارينهاوارسلتهم علي عاد تخيلوا يوم فتحت الباب صرت كذا
قلتهم خير قالوا بكل وقاحه بندخل قلت روحوا واذا جات ماما تعالوا وراحوا وكل شوي يطقون بالباب الين اخر شي طفشوا وجاب زوجي العشاء واخذوا عشاء لحريمهم مع ان زوجي عمره مامد يده واخذلي عشاء يوم يكون عندهم عزيمه المهم طنشت وتعشوا ضيوفي وراحوا الله يستر عليهم وحمدت الله ان العشاء مر بسلام وثاني يوم جاء اخو زوجي عند ابوه وقال انا ماعاد ابي الشراكه مع اخوي لان زوجته طردت عيالنا عاد انا قلت ابرك وابوزوجي وصل لزوجي وزوجي انحرج يبي مع اخوه وعارف اني ماغلطت المهم سلمنا من سالفه الشراكه ومن بعدها خلاص اعلنوا الحرب علي
مدري وشلون اتصرف معاهم حسبي الله ونعم الوكيل وانا ماابي اتسبب بمشاكل بين زوجي واخوانه وخروجنا من الشقه صعب لان زوجي مايقدر على ايجار وهو يدور على بيت ملك ادعو لي بالبيت الملك والله اني كرهت ان احد يزورني بالبيت بسببهم
سبحانك اللهم وبحمدك اشهد ان لااله الا انت استغفرك واتوب اليك
ملاحظه ثرى الحرف اخو هذا ث خربان خخخخخخخخخخخخخخخ عندي