سلفتي تسأل اخت زوجي علامي متغيره عليها

السلام عليكم ورحمة الله وبركاته
طبعاً تذكرون موضوعي اللي اقول
سلفتي تكلم خلفي عند اهل زوجي


السالفه اني رحت يم اهل زوجي بالعيد
ولقيتها ولا عطيتها وجه ابد ولا سألتها عن اي شي
حتى يوم قالت كيف اطفالك قلت لها ماتشوفينهم
يعني اقصد هذولا هم قدامك كيف تسألين وش لونهم لاني معصبه عليها الى اخر شي قدامي السانها زي العسل وخلفي السانها ثعبان بسم الله


المهم ماكلمتها ابد وطول ماهي موجوده ماعطيتها وجه ابد خليت كأني ماشوفها ولا حتى انظر لها
وبعده رجعت للبيت
وبعد ايام راسلتني اخت زوجي قالت لي فلانه تسأل عنك تقول هي فيها شي ليه ماتكلم واجد ماهي مثلها قبل خابرتني قبل كاني اختها اسولف معها
قلت طيب وش رديتي عليها قالت قلت يمكن تعبانه
وقالت الله يعين


قلت انا ي سبحان الله تكلم في الناس اذا غابو وذا حضرو قالت ليه مايتكلمون


قلت اه ليتها تقول لي ليه متغيره على شان اقول كل اللي سمعتها تقوله عني وتحسب الله عليها قدامها
وخليها تتوب تكلم في مره ثانيه


وش رايكم😊