والله ما ادري واش اقولك بس جتك لبيتك وكفختك

ليش ما رديتي لها الكفخ قسم ما اخليها تعدي بالساهل وشكلها ماتستحي ولا تخاف ولو انك من الاساس موقفتها عند حدها ماكان تمادت

الله يصلح أحوال المسلمين

تسلمون عالردود والله
بس ابي ابين شغلة الموضوع البعض يبدو انو مافهم
مسالة الكفخ لها سنوات مضت وبينت السبب
رديت الضربه لاشعوريا..وقلعتها من بيتي
هذا ياطويلات العمر ماضي فات ..
وانا صدقتها يوم عملت وساطة مع الجيران
والاقارب حق زوجي عشان الصلح..
اتاريها لعبة لعبتها مدري شلخلاها تسوي
كذا..
والمرة هذي والله قاطعتني من دون سبب
حتى مازارتني بنفاسي..
حتى جاء اليوم لي حكيت لكم عنه.

الغلط منك انتي اعطيتيها فرصه تطاول عليكي والواضح انو مافي رجال تخاف منهم ما سوت حساب لزوجك ولا زوجها شخصيتهم ضعيفه للاسف معقوله ما يقدرو على حرمه يوقفوها عند حدها ايش العيله دي لازم تتخذي موقف معاها تمد يدها ارفسيها بطنها لا تقولي متربيه وحده بوحده انا ما اشوفها طيبه الي اشوفه هبل صراحه لا تزعلي مني بس ردة فعلك تقهر الله يعينكم على حالكم

اشوفكم ركزتم كلكم على سالفة الضرب

وتركتم سالفة القذف .!!!!
شنو


اسوي.