سلفتي تغار وحماتي قالت... وبعدين!!

بنات نصيييحه مني عيشششو حياتكم واهتمو بازواجكم وعيالكم واهلكم وبسسس


لو تحطو في بالكم كل تصرف صدر من فلانه وعلانه مابترتاحووو

قومي بواجبات الزياره وابتسمي وسولفي برسميه واذا صدر من البعض حركات مو حلوه طنششي والله راح ينقهرو لان هم ماسوو كذا الا عشان يقهروك..... اذا خليتي تفكيرك راقي ينعكس على تصرفاتك

بقولكم موقف صار معاي شخصيا

اخت زوجي موظفه شرت هدايا لسلفاتي وبعد فتره شرت لبنات اخوانها ذهب وساعات الااحنا ماشرت لنا ولاعيالنا انا ووحده من سلفاتي .. كلمتني سلفتي قالت لي دريتي فلانه شرت كذا وكذا لفلانه وفلانه وعيالهم
والله والله ماكذب عليكم ولا ابالغ بردة فعلي اني ماهتميت قلت لها براحتها اهم شي انا ماأذيتها واخوها مو مقصر معاها قالت لي من جدك حيل يحز بالخاطر خاصة انتي اللي ماقصرتي معاها وتسوي هالحركه.. بس ابدا ماعجبتها ردة فعلي

تدرو ليه ماهتميت!! لاني طورت تفكيري صرت ماهتم بالاشيا السطحيه.. تفكيري صار ارقى من هالاشيا.. طيب ماجابت لي هديه وبعدين!! ماراح ينقصني شي ولايهمني اصلا انها تهديني وبناتي مو محتاجين هدايا. وعاد قيسووو عليها المواقف الثانيه ماعدت اهتم عزموني ولا ماعزموني فلانه انخطبت وماقالو اولا فلانه حامل ماقالت.. افرح لهم وابارك اذا دريت وخلاص انتهى الموضوع

والله الحياة حلووه بالتطنيشش ونخلي اهتماتنا ارقى من هالتوافه والسطحيات نطور شخصياتنا وشخصيات عيالنا