سلفتي حاقده علي عشان زوجي اخذ الخدامه/استوفى الرد

صباح الخير بنات .. بدخل بالموضوع على طول انا ماعندي خدامه وعندي ولد واحد عمره 3 سنوات وزوجي صار له شهرين يبيني احمل واجيب لولدنا اخ او اخت وصار لي شهرين أاجل الحمل لاني خايفه احمل وولدي عمره 3 سنوات انا ماعندي ام ولا خوات يساعدوني فيه او بالتنظيف ويساعدوني وانا نافس وعانيت بنفاسي الاول ومابي اعاني ثاني مره كيف باشتغل بالبيت وانا حامل وولدي بسم الله عليه ثقيل علي كيف بشيله وانا حامل وقلت لزوجي خلاص انت قدم على خدامه واذا جت احمل انا قلت كذا عشان اعرف الخدامات يطولون خصوصا الفلبينيات لاني عندي طفل اخاف من الجنسيات الثانيه وزوجي مستعجل كثير قام وكلم اخوه قال بيشتري خدامته منه خدامته فلبينيه جديده ماصار لها 4 شهور وزوجي عرض عليه مبلغ كبير مايقدر يرفض يعني مو عشان زوجي احرجه لا عرض عليه مبلغ ماحد يشتري خدامه بهالسعر ( مع العلم زوجة اخوه عندها 4 اطفال وورى بعض وانا اشوفها محتاجتها حيل ) وهي من الاول ما تحبني يا بنات وتكرهني اجل كيف والحين زوجي سبب مشاكل بينها وبين زوجها عشان خدامه .. امس كنت عند اهل زوجي وتناظرني باستحقار وتدق بالكلام
انا والله ماعرضت على زوجي يشتري خدامة احد قلت له قدم وننتظرها هو اللي راح ودور لانه ميت على مااحمل ولاني حملت قبل كم شهر وسقطت منه هو حاس بالذنب يمكن
شوروا علي كيف اتصرف اكلم سلفتي واوضح لها الموضوع واعتذر ووالله كلمت زوجي يرجع خدامتها بس مو راضي يقول ابيك تحملين مع العلم الخدامه لسا ما جابها زوجي لبيتي بيجيبها بعد اسبوعين هذا شرطه مع اخوه لما قلت لزوجي امس زوجة اخوك حاقده علي قال ماعليك منها الخدامه جايبينها بفلوسنا وزوجها لو شايف انها محتاجتها ماباعها بس مايحس فيني انا ماحب كذا يعني هي مو طايقتني خلقه اقوم اخذ خدامتها شوروا علي يا بنات