سلفتي حظرتني بدون سبب

السلام عليكم
يابنات انا سبق ونزلت موضوع عن معاملة سلفتي لي وكيف كانت سبب بالمشاكل بيني وبين زوجي ونصحتوني ابعد عنها واخلي علاقتي فيها سطحيه انا سمعت لنصايحكم وصرت ماعاد اكلمها كثير ولا احتك فيها واذا سالتني عن شي يخص علاقتي بزوجي ارد عليها رد مختصر
ومن ذاك اليوم حست اني تغيرت بعدها خلاص ماعاد رجعت ترسلي غير رساله جماعيه مع الكل وانا الحمدلله ارتحت ولا في اي مشاكل بيني وبين زوجي بسبب ابتعادي عنها

هي من قبل كانت تشكيلي عن اهل زوجي وعن سلفتها تتكلم على سلفتها وتقول انا عملتلها وسويتلها وهي ناكرة المعروف بس بعد ماقطعت علاقتي معاها تعرفت على سلفتي الثانيه والله ماقصد عناد ولا شي بس سلفتي الثانيه طلبت اننا نتعرف انا رحت عندها وجت عندي وبسبب دوام زوجي وانشغاله اجت معي عند الدكتوره للمتابعه يعني تقريبا ماتقابلنا غير اربع او خمس مرات وهذيك مدري كيف عرفت اني تعرفت على سلفتي الثانيه وشكلها مفتكره اني نقلت كلام عنها وانا والله لا اذكرها لابخير ولا بشر حتى هي ماتذكرها الا بالخير

انا من طبعي ما احب اخرج كلام عن احد حتى لو اتقاطعت معاه

وهي الان حامل بالشهر السادس تقريبا
حملت بعدي بشهرين وانا جالسه افكر انه اذا ولدت بالسلامه اشتريلها هديه وازورها
والله ماكان ودي اقاطعها بس كنت ابغى اسطح علاقتي معاها فقط

المهم لي فتره وانا ماعاد اشوف ولا رساله من رسايلها الجماعيه قلت الله اعلم وش فيها لان سمعت ان زوجها خسر شغله وحالتهم سائت
وانا اجيت اشوف ماعندها لاصوره ولا حاله ولا يبان ظهورها قلت يمكن تكون طفشانه وحذفت الواتس او تكون سوت اخفاء للصوره والحاله والظهور وماجا ببالي انها حظرتني

بس اليوم رسلت رقمها لبنت عمي قلتلها شوفيلي هذا الرقم تظهر صوره وحاله قالت ايوه وصورتلي الصوره والحاله والظهور واتأكدت انها حاظراني

انا صراحه مستغربه ليييش حظرتني وش سويت فيها اهل زوجها اللي يكرهونها وبهذلوها ماحظرتهم وتتكلم معاهم ليش انا المسكينه اللي ماسويت لها شي حظرتني بدون سبب انا عن نفسي اعتبر الحظر اهانه كبييييره لاني ما احظر اللي اللي يدخل يعاكس اما اي شخص ما احظره ابداااا مهما سوت فيني مابالكم باللي تحظرني بدون سبب

والله اني احترمها اقول اكبر مني بكثير وعيب اقاطعها

الله المستعان بس