سلفتي حيرتني بتناقضها كيف اتعامل معها ؟

بنات انا موضوعي هذا مو مشكله بمعنى مشكله لا بس في شي محيرني مره ومو فاهمته ومو فاهمه كيف اتعامل معاه

سلفتي علاقتي فيها نص ونص يعني مافي ميانه مره ومن يوم تزوجت
لي تقريبا 6 سنوات وشوي وعلاقتي معها لاتخلو من المشاكل طبعا مشاكل بسيطه جدا كلام ودق بالحكي وكذا
واحيانا تعاملها معي كأنها ماتعرفني مره ومرات تتجاهلني
واحيانا لما يصير مشاكل بين عيالنا تعصب علي وتدق بالحكي قدام اهل زوجي وكذا بس ماعمرها اهانتني ولا انا
بس اللي محيرني بالموضوع كله اني لما نفسيتي تتعب او لما احتاج احد جنبي او لما اواجه اي مشكله ماالاقي احد جنبي غيرها تواسيني وتخفف من همي وتساعدني
اكثر من مره صار هالشي خصوصا لما كنت حامل كانت حيل تساعدني
ومره كنت بالشهر السادس ومرضت وتعبت مره كان زوجي مسافر جلست معي بالمستشغى يوم كامل ولما طلعت كانت تجيب لي فطور وغدا وعشا وكانت توكلني الدوا بيدها
مع ان اهلي بنفس المدينه واهل زوجي وخوات زوجي كلهم موجودين وعماتي وخالاتي وزوجة ابوي لكن محد يوقف معي دايما لما احتاج احد غيرها كلهم مااشوفهم الا هي
ولما اكون عادي ومرتاحه يكون تعاملها معي رسمي مره استغرب هالتناقض منها ماعمرها سولفت معي سوالف وضحك وفرفشه مثل ماتسوي مع كل الناس
انا ماادري هي تعزني ولا تكرهني ولا ايش بالضبط
حيرتني والله ودي ارد جمايلها علي ومعروفها بس اخاف انها ماتبيني اتقرب منها ماادري كيف اتعامل معها انتم وش رايكم