سلفتي راح تجنني..

مدري ايش اقلكم..بس سلفتي مبهدلتني تغار مني بشكل مو طبيعي بشكل جنوني...
تخيلة تغار مني وتقلي انا انقهر منك واغار منك...اول مااتزوجت جات قالتلي انو يوم ماجو شافوني رجعت الابيت قالت لزوجها شوف مرت اخوك احلى مني وقعدت تبكي...وتخيلو هيا متزوجة من 6 سنين ولاعمرها دخلت المطبخ حتى لما زوجها يبى ياكل شي تنزل عند اهل زوجي وتسويلو اكل..ومن يوم ماتزوجت والحمدلله وانا اطبخ قامت هيا غارت مني وسارت تطبخ...وانا صبغت شعري احمر حتى هيا صبغتو احمر زي...وانا البس نضارات طبية حتى هيا راحت فصلت وحدة...وتحاول تقلدني في كلامي ولبسي وحركاتي...ولا طلعت كلام عليا اول امس عشان زوجها مو راضي يشتريلها ملابس قالتلو انو زوجي اشترالي ملابس بـ 14 الف تخيلو..؟؟؟؟ايش دخلها سواءا اشتريت ب 14 الف ولا غيرو
ولا اخو زوجي راح تشتكى امو يقلها شوفي ولدك كيف مدلع مرتو يعني هيا مرة حاقدة عليا وتبى توقع بيني وبين اهل زوجي..والله يابنات كنت معتبرتها زي اختي بس طاحت من عيني...مرررررررررررررة غيورة حقودة...طول النهار تتضارب مع اخوات زوجي ومرة كانت تبى تضربهم ومرة ارسلتلهم سب بالايميل...واخوات زوجي يقولولي هيا ماكانت كدة من يوم انا ماجيت تحاول تثبت وجودها بقلة ادبها ولسانها الطويل...والله ماني قادرة استحمل تخيلة لقيت صورة زوجي عندها..؟؟؟؟؟؟
وتقلي زوجك احلى من زوجي والله العظيم كدة قالتلي بنفسها...واي شي زوجي يسويلي هوا تبى زوجها يسولها نفس الشي..وانا الى الان ربي مارزقني باطفال..سرلي سنة متزوجة

المهم تقلي دحين يدلعك بعدين لما تخلفي يطلعلك هوا من عيونك...وانا ده كلو وساكتة ماابى اخرب بيتها نفسي اقلها ترا الغيرة ماتنفع والله راح تخسري كل شي حلو في حياتي واهم شي احترام الناس لك...بس مااقدر مااحب اجرح مشاعر احد..والله خايفة كمان تطلع عليا كلام اكتر من كدة
انصحوني قولولي ايش اعمل يابنات...ودحين الاوضاع متوترة بينها وبين اهل زوجي لان يوم الخميس اضاربت مع اخت زوجي ولاعملت حساب لام زوجها ولا لابو...
انصحوني اللي عندكم خبرات...كيف اتعامل مع وحدة حقودة وغيورة زي كدة...