السلام عليكم ورحمة الله وبركاته
يابنات انا زوجه ثانيه وعندي سلفه لااطيقها واتوقع ماتطيقني من تصرفاتها احكم صارت بيني وبينها اكثر من موقف وكلها زوجي يعرفها هي كبيره بالسن وعندها اربع عيال متزوجين وكنت اتواصل مع زوجة ولدها الكبير وفجأه انقطعت العلاقه بيني وبينها بدون مااعرف السبب ولاحرصت اعرف لاني حاسه ان سلفتي له دخل بالموضوع كانت تقولي زوجة ولدها انهم يتكلمون عني المهم انا لي اربع سنين متزوجه وماحملت ومن اول ماتزوجت الى الحين كل ماتقابلني تسالني ماحملتي يعني بالله اذا حملت بااوزي بطني بالبيت واجيهم وقدر الله وحملت بس سقطت وكلمتني وقالت لي كلمه استحي اقولها لكم بس كانت قليلة ادب واكثر من موقف صارلي مواجهات معها واخرها قبل امس كان عندنا استراحه للعيد واتفقنا انا ووحده من الي بنجتمع معهم انوه هي تسوي مرق وانا اسوي سلطات الغداء كان على سلفتي والعشاء على الحرمه الي اتفقت معها المهم عرفت انوه الغداء على سلفتي بعد مااتفقت انا والحرمه فكلم زوجي زوجها وقاله انوه اتفقنا وكل شي تخيلوا يابنات زعل وقال وشلون حرمتك تتفق بدون ماتقول لزوجتي فقاله زوجي انه الاتفاق من زمان وحبينا نقولك لاننا خفنا زوجتك تسوي شي ونسوي احنا بعد ويصير تجميع بهالنعمه المهم قال مفروض مكلمين زوجة ولدي الكبير او زوجتي ومن هالكلام المهم سويت ثلاث انواع سلطه وحلا للاطفال ووصينية حلا مشكل للرجال وللحريم وقهوه وشاهي وجايبه ملاعق وصحون وكل شي وكشخت ورحت للاستراحه اول مادخلت تقابلني بنتها على طول وين السلطه كأني عامل توصيل قلت لها موجوده والله يابنات فصخت عباتي بالمطبخ وحطيت الصوص للسلطه وتدخل زوجة واحد من العيال وتقولي وين المرق ماجبتي صحون للمرق انا تحطمت ولاوحده قالت يعطيك العافيه مع انهم اربع بيوت مفروض هم يجيبون لاني سويت على اساس جمعه ماتوقعت انوه فيه احد مسوؤل وماحبيت مااجيب وانا متفقه مع الحرمه اجيب فشله هي تجيب الي اتفقنا عليه وانا لا بس على الاقل كنت اتوقع واتمنا انوه احد يقولي شكرا على الاقل بالعكس نافخين ريشهم ومعصبين علي المهم طنشت كانت شغالتي معي الا ويتكلمون بنت سلفتي وحرمة ولدها كل وحده تقول انه حاجزه الشغاله لعيالها تنتبه لهم لاني ماعندي اطفال وبعدين تجي سلفتي وانا واقفه تصارخ على الشغاله وتقول لها تعالي طلعي اغراضي برا وانا واقفه ولااستئذنت مني حتى فقلت لها لا انا ابيها تطلع اغراضي انا ولاحظوا يابنات انوه اذا كانوا مسوؤلين عن غداء والا عشاء مايجيبون شي حتى اتذكر مره كانت عليهم قالت كل وحده تاخذ ثلاجتها وتصب لنفسها ولاسوت شي لا هي ولا حريم العيال ولا بنتها المشكله زوجي عازمهم بكره وانا منقهره منها ومن حريم العيال مااطيقهم وقلت لزوجي يستقبلهم عند زوجته الثانيه ماعندي استعداد استقبل وحده مااطيقها ولاتطيقني والا يعرزم رجال بس بس عصب وقال ارجع ادق على اخوي اقول لاتجيب حرمتك مع اني قلت له كل السالفه وانقهر ماادري وش اسوي وكيف اتعامل مع هالنوعيه
يابنات سلفتي دايم تدق بالكلام وتجرحني وكانها تشمت فيني لاني ماعندي اطفال بااكثر من موقف وقحه بشكل ماتتوقعونه وانا والله بشهادة الجميع اني احترمها وامازلت احترمها مو علشان شي بس لاني مااعرف لحركات الحريم صريحه وواضحه ومااحب المشاكل ماتحترمني ولافيه اي تقدير وانا والله لانها حرمه كبيره مااقدر اتعامل معها الا بكل تقدير المشكله هي ووحده من حريم عيالها مالهم شغله ولا عمله الا يتكلمون فيني وانا يوصلني الكلام من حرمة ولدها الثانيه وفلما انقطعت علاقتي فيها ماحرصت ارجعها لاني ماابيها تنقل لي الكلام وتصير مشاكل غير حركاتها الي قدام الحريم يعني تخيلوا تمسك الحريم بالمجلس وحده وحده كيف الحال وووش الاخبار وانا تسفطني والاتطمرني ماتعبرني عادي عندي بس احراج قدام الحريم هذا غير حرمة ولدها سقطت ورحت لها وجبت لها عشا وبالاخير تقول اني جبت عشا مايقدم ومره كانت عندي جمعة حريم وعزمتها وبعد سبتني وتقول اني ماقهويتهم ولاقعدت معهم ماادري وشوله عازمتهم اذا بسوي كذا ولاتقعد بمجلس الا تسبني سب قوي مااتحمله ولااقدر اغض النظر عنه وفوق هذا كله تكلمني بطرف خشم وتسفهني كيف اتعامل معها واحفظ كرامتي مع زوجة ولدها ومع سلفتي المصونه والله يابننات انا عندي مشاكل بحملي ونفسيتي زفت واحب اطلع واروح وهذولا منكدين علي وانا مو ناقصه هم وغم تكفون الي عندها حل تقولي والا مااعجبها شي بكلامي تدعيلي وتتذكر ان الملائكه بتقول ولك مثل ذلك
واسفه على الاطاله
مسلمه الحمدلله @mslmh_alhmdllh
عضوة فعالة
يلزم عليك تسجيل الدخول أولًا لكتابة تعليق.
zoo mix
•
والله الكلام طوووويل ماقريته كله بس الله يرزقك الذريه الصالحه يارب ويعينك على هالاشكالوالله الكلام طوووويل ماقريته كله بس الله يرزقك الذريه الصالحه يارب ويعينك على هالاشكال
الله يكون في عونك دايما ادعي ربك انه يسخرها لكي ويكفيكي شرها... والله يسهل
الله يكون بعونك
حاااااااااااولي ماتحتكين فيهم ولو انجبرتي خلك رسميه
الله يهديها مرة ولدهم .... ليش الفتنه؟؟ المفروض سكتتيها من البدايه علشان ماتشيلين بنفسك
عالعموم ماهو لازم تكون عزيمتهم عندك دام زوجك عند حرمه ممكن هي تستقبلهم
ولايأثرون على نفسيتك ...طنشي وعيشي يومك
حاااااااااااولي ماتحتكين فيهم ولو انجبرتي خلك رسميه
الله يهديها مرة ولدهم .... ليش الفتنه؟؟ المفروض سكتتيها من البدايه علشان ماتشيلين بنفسك
عالعموم ماهو لازم تكون عزيمتهم عندك دام زوجك عند حرمه ممكن هي تستقبلهم
ولايأثرون على نفسيتك ...طنشي وعيشي يومك
الصفحة الأخيرة
بس الله يرزقك الذريه الصالحه يارب
ويعينك على هالاشكال