سلفتي فيلم رعب بعد سفر زوجها\\ لا يخص القسم

السلام عليكم ورحمة الله وبركاته
بعد سفر زوج سلفتي حبيت ازورها ياعمري عليها يوم جيتها حالتها يرثى لها
ماتوقعتها خوافه للدرجة هذي
والله يسامحهم الحريم بالوتس اب هاليومين ماعندهم سوالف وتعليقات الا بس
ينشرون ويستهبلون من جرائم الاثيوبين ويضخمونها
صور شغاله معها ساطور شغاله منحاشة معه طفل وقصص شغالات مااندري كذبها من صدقها
المهم
يوم جيت الحرمه الا هي مو خايفة وبس الا مرعووبه من شغالتها
وشايله كل انواع السكاكين حتى سكاكين البصل
وداخله غرفتها ومدخله اعيالها ومسكره على نفسها الباب فترة الصباح مستحيل تفتحتها
ليين العصر وقت جيت خواتها وجراتها
شغالتها لها عندها سنة كانت سلفتي قبل عاديه بس بعد جرائم الاثيوبين الفتره الاخيره
وتسمع قصص وسوالف صار عندها فوبيا من شغالتها
بناات انا احس الحرمه تغيرت وصارت ضعيفه جدا وتتكلم وهي كلها خوف ووسوسه على اعيالها
والله شفقت على الحريم اللي يرسلون مثل هالصور من الذنوب والاثم من جد استاثمو بالضعيفه هذي
المشكله طالبه من زوجها انه يسفرها بس زوجها بسبب اشغاله تجاهل مطلبها لانهم اصلا مضطرين عليها
لا ترسلونها على اي حرمه مو كل الحريم لهم نفس القوه