حبيبتي ان تكلمت ف الكشخه تاني 

قولي ايوا انتي دحين تصكي الثلاثين لازم تلحقي عمرك باللبس والدلع انا لسا باقيلي وقت البس فيه براحتي 

انشغلي بنفسك مو تنشغلي فيا ماتدري عن نفسك الا وانتي طاقه سن اليأس 😂

هههههههههههههههههههههههههههههههههههههههههه وربي ضحكتيني الله يسعدك اما ردك قوي عجيب حده اسمعي اختي تراها بقوة تغار واضح اسلوب الغيرة اسئليني انا اسمعي وانا اختك انا يسموني بالعايلة (منرفزتهم)عندنا عرق ينرفز الواحد نرفزة ماشااء الله الطيب مع بعض البشر مايفيد الطيب ياكلونه بقشوره ،،المهم من بعد ماتردين عليها الرد اللي قالته طالبة مغرزة ردي عليها فيه بعدين سوي مثل ماقالت لك توارد افكار من نصايح وخليك رسمية من بعد كذا معاها مرة كنك ماتعرفينها واذا جيتي تسلمين يعني مجبورة تسلمين سلمي سلام باارد مرة لو بس باطراف اصبعك واسحبي يدك ع طول وبس قولي (هلا) فقط لاغير وع طول ابعدي عنها اضحكي سولفي انبسطي مع اهل زوجك وهي اعتبريها جدار علشان ماتعطينها فرصة حتى تسولف معك وانتي تمشين خلي ظهرك مستقيم امشي بثقة رقبتك مستقيمة ومرفوعه شوي<يعطيك شكل هيبة>وبس تخيلي انها جدار او وحدة غريبة اذا جت عينك بعينها بالغلط لاتخلين بوجهك اي تعبير خلي تعبيراتك جامدة كنها غريبة عنك وبكذا هي تحرم تقربك وانتي تنرفزينها وترتاحين من لسانها اهم شي ماتعطينها مجال خليها ماتتعدى الخط الاحمر بعد كذا

إلي أسلوبها مثل كذا لازم تسكتينها بكلمتين حتى تعمل لك قيمه
قولي فلانه وش المطلوب بالضبط ؟! وخلي نظراتك مركزه عليها
قولي لا من جد وش تبين ؟ وبعدها بتاكل تبن وتهابك بتقول ذا المره قالت وش تبين
المره الجايه الله يستر وش بتقول !! وبتعملك حساب بعدها

ياحبيبتي توك صغيرة وعروس طنشي وعيشي لنفسك وزوجك وبيتك

الي مثل كذا الافضل ماتناظرين لهم ابد ولاتدققين بكلامهم أبد

لأن الأغلب يكون السبب الغيرة والحسد كفانا الله شرها

لذلك نصيحة لاتهتمين لكلامها ولامقارنتها وخلك

معها رسمية جدآ ولاتكثرين زيارات بينكم

وأنتبهي تاخذ منك كلمة عن اهل

زوجك حتى لو بسيطة تراها

تتصيد بالماء العكر

بكيفها خليها تقول اللي تبي تراها فتره وتطخ
انا سلفتي اول ماتزوجت كانت اسلوبها دق وتريقه بس انا ماكنت مكبره الموضوع ماهمتني وبعد فتره مدري هي ملت وطفشت لانها ماوصلت للي تبيه او عقلت
انتي لاتحطين الموضوع اكبر من حجمه وبكيفها تقول اللي تبي انتي ادرى بنفسك وبشخصيتك وبشكلك وبلبسك مالها خص فيك اجدعي حكيها ورا ظهرك وبترتاحين