سلفتي وانا !!

السلام عليكم
بنات وقسم بالله اني كل ليله من سنه
ونص نفسيتي تحت الصفر ابكي مالي خلق شي
تزوجت قبل ٥ سنوات عندي بنت ومتاخره بالحمل
انا بكل بساطه شكلي جدا جدا عادي
اذا تكشخت وكذا هاه اطلع مملوحه كيوت
ع قولتهم عمري ماتعدى ٣٠
شكلي كاني ببدايه العشرين
لاكن شكلي بدون لبس وكشخ ومكياج
عاديه جدا جدا جدا جدا
تزوجني زوجي ومن البدايه
حسيته يموتون هو واهله ع الجمال
بالذات امه وخواته كل جلستهم يازين فلانه
يابيضها ياحظ زوجها وكنت اطنش مره
لاكن المصيبه
زوجي اخو زوجي قبل سنه ونص
وحده اقل مايقال عنها ملكة جمال
زياده ع زينها
ماتجي لاهل زوجي الا ع سنقهرعشره
انا ماهمتني
لاكن اللي ذبحني غير اهتمام اهل زوجي بها
لو بكيفها مشوها ع ورد
مدحهم لها وقدام زوجي فلانه بياضها يجنن
فلانه شفناها بدون مكياج مو طبيعي شكلها
كانها رسمه من جمالها
فلانه امس شفت شعرها بدون استشوار حرير
عاد شعري انا كشه
فتعالو شوفو زوجي اقسم بالله من بعد هالكلام
صار زوجي يحاول يسرق نظر
وتغيرت معاملته معي وكم مره اشوفه يقزها
بالعبايه عاد هي شكلها بالعبايه ملفت جميله جميله
حتى بالعبايه
انا تعبت تعبت حتى هم لانها جميله
حجزو لها شهر عسل لدوله اوربيه
وبيت اخر اثاث وحفله بعد مارجعت لاهلها
اما انا لاني عاديه
ماعبروني ولا شي ولا شي
بيتي اثاث رخيص وقديم
لما رجعت واحد عزمني ولا عزم اهلي
حتى ع فنجال قهوه
وتخيلو لانها حلوه يستعرضون فيها
اذا عزمو صديقاتهم او اقاربهم لازم ينادونها
وام زوجي بالزواجات بس حاطتها جنبها
وعند خوالهم هاذي زوجه ولدي فلانه
فتجي عندنا وتقول والله ان خواتي انهبلو
ع مرت ولدي فلانه يقولون الله من الجمال
وشلون بيطلعون عياله وزوجي ساكت
وتجي الثانيه تكمل تقول ايه دلوعه
حتى وناعمه احس لو وردها تجرحها
طيب احترموني احترمو زوجي
والله والله يابنات
انس طيبه كاني اخت لهم
وان زوجي كانه سواق لهم يوديهم ويسافر فيهم
واحيانا حتى لو بروح اخذ عمره
راحو معنا
ولا قلت لا
واخرتها كذا يقهروني ويفتحو عيون اللي عندي
انا شفته اكثر من مره ينهبل اذا جابو اهله
طاري زوجة اخوه
وينهبل زياده اذا جتهم ويحاول يقزها بالعبايه
هي بنت عارفه شكلها حلو فتحب تستعرض احيانا تطلع بدون طرحه ببيت اهل زوجي
واحيانا بدون عبايه
ودايم تلفت نفسها بالعبايه باللبس والمناكير ولاكسسوار
لاكن اهل زوجي كل ماشافو وجهي
لازم يجيبون فلانه وجمالها