كارهه الدنيا @karhh_aldnya

عضوة جديدة

سلفتي وتصرفاتها المستفزه !!!!ياليتني ما استقبلتها في بيتي>>>>بالله لا تطنشوني ردوا عل

السلام عليكم ورحمه الله وبركاته

قبل يومين دق علي زوجي وقالي ترى اخوي وعياله جايين عندنا وهم الحين في الطريق(احنا في منطقه وهم في منطقه ثانيه)قلت له الله يحييهم وانا صادقه وماعندي مانع ابدا استقبل اهل زوجي في بيتي لو احتاجوا بكل رحابه صدر
المهم ورحت والله وسويت لهم فراشهم وعطرته وبخرته وطلعت لهم افضل المفارش عندي وجهزت البيت وكل شي المهم وصلوا في الليل متاخرين وعلى طول تعشوا وقبل ما ينامون قلت لسلفتي انا خلاص بروح انام وانتي نامي وارتاحي وعيالك واذا بغيتي اي شي المطبخ قدامك لا تترددين واذا احتجتي اي شي قولي لي وقلت للشغاله نفس الكلام
صحيت اليوم الثاني لقيت الشغاله مسويه الفطور لهم وكل شي وبعدين سويت الغدا ومن هنا بدت السالفه
سلفتي عندها اطفال صغار سابتهم ياكلون على راحتهم بدون ما تعلق على اي شي من تصرفاتهم يوسخون ويكبون ولا تتكلم عادي وخلصوا اكل بعد ما اكلوا بيدهم ولا قالت لهم غسلوا يدينكم ولا شي البنت تتمشي في البيت ويديها كلها زفر قمت انا قلت بلفت نظرها قلت للبنت يالله حبيبتي روحي غسلي يدك وراحت ,>>>>>>>>>>ياربي مابقعد اسرد لكم كل التصرفات بس اعتقد انك فهمتوا عيالها يوسخون البيت وهي عادي ما تتكلمم ولا كانه شي صار وانا اتضايق بالمره منها يعني فيه احد بالله يغير البامبرز للمولود على الكنبه :06:هي تسوي كذا تغير على الكنبه وبعدين ترمي البامبرز في السله اللي في الحمام وانتوا بكرامه وتعالوا شوفوا ريحه البيت لا تطااااااااااااااااااااااااااق مو معقول :06:وانا الحمد لله بيتي نضيف صحيح مو زي المرايه لانه عندي اطفال اصغر من اطفالها بس على الاقل لا انكب شي امسحه لو خلصوا عيالي اكل اول شي يغسلون يديهم رغم انه اكلهم بالملعقه مو باليد وزياده على كذا ما تخلي شغالتها تنضف شي حتى الحمام حقهم ما تغسله وريحه البيت صارت تجيب الغثيان تعطي عيالها الصغار دجاج في يدهم ويقومون يتمشون في البيت والدجاج في يدهم الابواب والسيراميك والكنب صار كله زفر ولا اقدر ابخر زوجي عنده حساسيه من البخور والمعطرات القويه ومدري وش الحل بنفجر <<<<<<<انا ماعندي مشكله برجع انظف البيت اذا راحوا ماهم مشكله بس وش ينضف اسفنجات الكنب اذا انكب عليها عصير والا اي شي غيره وحتى لو عيالي وسخوا البيت بكيفهم هذا بيتهم بس ما اخلي عيالي على راحتهم في بيت الناس واضايقهم كذا عيييييييييييييييب ,>>>>>>>>على فكره هذي مو اول مره دايما تجي عندنا وتتصرف نفس التصرفات واسكت واقول المره الجايه ما بخليها تجي عندي بتعذر باي شي وبروح عند اهلي بس ارجع واقول عييييييييييب ما ينفع
ولا ابغى اقول لزوجي حرام فرحان بجيه اخوه وعياله بالمره وطاير فيهم ما ابغى ازعله وحتى لو قلت له اصلا صعب يقول لاخوه ترى عيالك والا زوجتك بالمره بتكون بايخه ويمكن يزعل وياخذ على خاطره ويفهم غلط ما ودي يسير بين الاخوان حساسيات ومشاكل عشان سوالف زي كذا
انا والله العظيم ما اتضايق اذا جو اهل زوجي عندي ابدا بالعكس افرح فيهم واكرمهم واحسسهم ان البيت بيتهم والله واوصي زوجي حتى لو شاف شي يسكت كلها كم يوم وماشين ويجيب كل شي ما يقصر عليهم بس ما اطيق الوحده للي ما تستحي وتتصرف كذا لو انها جات بادبها كان والله العظيم ماعندي مشكله ابدا

الحين علموني كيف اتصرف معاها خلاص بنفجر البيت صاير زباله وانتوا بكرامه ما ينطاق وبيجيني ناس بكره او بعده
المشكله انها موظفه وزوجها موظف يعني يقدر يستاجر شقه كم يوم ماعنده مشكله مو ماثر على مستواهم

لا وازيدكم من الشعر بيت اذا جات بتخرج ما ادري عنها ما تجي تقول انا طالعه والا خارجين مه السلامه ولا شي ما اعرف انهم خرجوا الا لمن تختفي الاصوات والا اعرف من صكه الباب انهم راحوا يعني قله ادب على مستوى عالي

وش رايكم اش اسوي معاها اطردها والا طنشها والا احرجها والا اسكت وتكون هذي اخر مره استقبلها مدري ؟؟؟؟؟

نسيت اقول لكم ان ماعندي شغاللللللللللله تنظف لي وعندي اطفال صغار يروح وقتي وجهدي وانا اهتم فيهم واهتم في البيت وزوجي احيانا يجيه ضيوف فجأه والا اصحابه ويتضايق جدا اذا دخلوا والبيت فيه شي ناقص والا شي مو في مكانه هذا غير اني اموت ولا يجيني ضيوف ويلقون بقعه وحده والا اي شي وسخ حتى لو كان صغييير ما يبان تقريبا كل شهر لازم اشيل التلبيسه حقت الكنب واغسلها واعيد واكرر (ماعندي شغاله يا حلوين )

يلزم عليك تسجيل الدخول أولًا لكتابة تعليق.

تسجيل دخول

ام خلودوخالد • 13 سنة

ياربي وش ذا الاشكال

الله يعين تحمليهااااااااااا الين تروح

وحااولي تخلين شغالتك تنظف وراهم والله ماتقدرين تقولين شي ولا بيدك يااعيوني اي شي واذا تكلمتي راح يفهموا غلط
الله يعينك بس

ترى الدنيا ما تسوى • 13 سنة

الله يعينك

أدبي عيالها انتي قولي فلان رح غسل وفلانه شيلي الي بعدك

يا تفهم ويصلح حالها ولا تزعل وتروح لشقه بروحهم

كت كات أبو قصدير • 13 سنة

قولي شغالتها تنظف وساختهم ..
يعني إذا حاسوا الكنب والأم موجودة نادي شغالتها وهي تسمع .. قولي لها نظفي الكنب وسخه فلان ..
ونفس الشي الحمام .. قولي أففف وش هالريحه << بأدب >> معليش يافلانة << سلفتك >> عسى ما دخلتي الحمام ريحته مو حلووه مدري وش فيه .. ونادي شغالتها تنظفه وتطلع الزبالة ـ تكرمون ـ ..
وإذا طلعت .. بعد ما ترجع .. قولي بسم الله متى طلعتوا ما حسيت فيكم غبت دقايق إلا أنتم مختفين .. ما ودعتك ولا شي ..
أنتي طلعي أدبك وأخلاقك بدون ما تهينين نفسك ..
ولا تقولين لزوجك ولا شي سواليف حريم ماله داعي يدخلون الرجال فيها
والله يعينك على الناس اللي كذا

ام عسوله 2011 • 13 سنة

الله يعينك علىيهااا......انتي قوليلها بكلام حلووووو وعلميها السنع كاخت يعني يمكن تتقبل
واذا هذي فبيت الناس كذا اجل بيتها شلون صاير

الله لايبلانا

&& رنيم && • 13 سنة

مالك ياختي الا الصبر..