سلفتي وتصرفاتها قدام جوزي

السلام عليكم
انا عضوة جديدة وعندي مشكلة مش لاقيه ليها حل ارجوكم ساعدوني علشان تعبت وحاولت اكتر من مرة ومفيش فايدة ومش قادرة استسلم للي بيحصل قدام عيني من سلفتي عديمة الاخلاق اللي بتقعد قدام جوزي وشعرها باين وعاملة نفسها متحجبة وهي حاطة الطرحة ف نص راسها. وبترفع كم العباية ونص دراعها بيبقي باين. هي شايفه نفسها علشان ربنا اداها شوية بياض وشعر بني وعنين ملونة وكمان بتبقي سامعه صوته وهو جاي وبتبقي نايمة ومش بتقوم غير لما يدخل الاوضة ويشوفها نايمه بشعرها ودراعها مكشوف وانا لابسة حجاب ومفيش شعره باينة مني ولا دراعي ودا علشان جوزها بيبقي قاعد ومعرفش ازاي بيقبل علي مراته كدا ومن ناحية جوزي كلمته كتير انه ميدخلش طالما هي معندهاش دم ولا اخلاق بيزعقلي ويقولي ملكيش دعوة هي حرة ف نفسها وجوزها حر انتي تتكلمي ليه وانتي نكدية وكانت جوازة سوده وغيرة حريم وخباثة منك وكلام كتير بيجرحني ويخليني اقعد ابكي لاني مش متعودة اسمع منه الكلام ده ومستهلش اني يتقلي كدا علشان معملتش حاجة غلط. ولما لقيته مش قابل كلامي ولا نصيحتي بقيت ابعتله ع الماسنجر فيدوهات دينيه بتتكلم عن الموضوع ده وانه حرام وكدا وقولتله علي حديث "اياكم والدخول علي النساء قال يا رسول الله ارأيت الحمو قال الحمو الموت" والحمو اخو الزوج واقارب الزوج يعني لما الواحدة يدخل عليها اخو جوزها ويشوفها بالمنظر ده كأن دخل عليها الموت اللي هو اصعب حاجة. وقولتله علي الاية الكريمة "{‏‏قُل لِّلْمُؤْمِنِينَ يَغُضُّوا مِنْ أَبْصَارِهِمْ وَيَحْفَظُوا فُرُوجَهُمْ ذَلِكَ أَزْكَى لَهُمْ إِنَّ اللَّهَ خَبِيرٌ بِمَا يَصْنَعُونَ وَقُل لِّلْمُؤْمِنَاتِ يَغْضُضْنَ مِنْ أَبْصَارِهِنَّ وَيَحْفَظْنَ فُرُوجَهُنَّ وَلَا يُبْدِينَ زِينَتَهُنَّ إِلَّا مَا ظَهَرَ مِنْهَا}‏‏ الآية ‏[‏النور‏:‏ 30- فجأة لقيته ضربني قلم علي وشي من شدة الضربة وقعت انهرت من العياط 😭وبهدلني وقلي لمي هدومك وعلي بيت ابوكي ومتحطيش رجلك ف البيت ده تاني انتي عاملة فيها متدينة بس صبرت وسكتت ومقولتش لاهلي وفضلت قاعدة وهو زي ما هو وسلفتي زي ما هي وانا بتفرج واسكت قولولي اعمل ايه مش قادرة استحمل 😔وماما قالتلي اوعي تكلميها دي اكبر منك وممكن تعملك مشكلة وسيبك جوزك ياخد ذنوب هو حر ونفس الكلام قالته اخت جوزي الكبيرة بس انا مش مرتاحة بالحل ومحدش هيحس اللي بحسه
شوفولي حل 😔