سلفتي وزوجها .....وزوجي

السلام عليكم
معاكم ام بتال اخت اللؤلؤه
انا متزوجه من 10 سنين
عندي ولد واحد
زوجي جاه عقب بعد عمليه سواها


لي 7 سنوات ماحملت


عندي سلفه متزوجه اخو زوجي وتصير لهم بنت عمهم
وعندها 3 اخوات 2 مطلقات وحده دوبها شهر 8 تطلقت
السالفه من البدايه من اختاروني اهل زوجي لزوجي رفضت هي وزوجها وحاولت فيهم يختارون من خواتها
وحاولت تكرههم فيني
مارضت زواجنا من البدايه


اختاروني اهل زوجي وتم الزواج
ومن ذيك الايام وهي ماتبيني هي وزوجها ويتصيدون عيوبي ويحاولون يكرهون اهل زوجي فيني


والحمد لله ماقدرت


وامس اخو زوجي ذا
اتصل بزوجي وقال يبيه
تفاجأت انه يحاول يقنع زوجي بأخت زوجته بنت عمهم
هي جميله .. وانا ولله الحمد جميله
بس تفوقني بشوي بجمالها


جا زوجي وبلغني باللي صار وقال لاتخافين ماراح اتزوج عليك ان شاء الله
قلت العقم فيك واخاف تسوي مثل ولد عمي تزوج على زوجته مامنعه العقم .......


المشكله اخو زوجي ذا وزوجته عندهم اسلوب في الاقناع ..... واذا مسكوا علم يزنووون على صاحبه وعندهم اساليب مكر الله المستعان


يا اخواتي اعيش بحالة قلق
خصوصا ان خوات زوجي بديت الاحظ عليهم اشياء ومابي اسيء الظن بس لعله يتوهم لي ان شاء الله


انصحووووووني كيف اتعامل معاهم
ادعوا لي ربي يجنبني كيدهم تكفووون ويجعله بنحرهم