صباح الخير
راح ادخل بدون مقدمة والموضوع يوضح انها مشكله من المشاكل المعتاده في مجتمعنا مشاكل السلايف والحموله
ابي ردود عقلانية مثل ماتعودت عليكم
طبعا انا قدر ربي اننا نسكن بعمارة اخو زوجي
كنت رافضه ومجبوره لأني سبق وعشت انا وسلفتي ببيت واحد وتعبت منها خصوصا اني تزوجت صغيره ومنتهى الغباء الله يسامح ويرحم امي
طبعا صارت سوالف ومشاكل بسبب قلة خبرتي واسلوبي الأهبل او طيبتي اللي مو بمحلها ابدا
واخو زوجي الله رزقه واشترى عماره وطلع من زمان
ارتحت نوعا ما وحسيت بخصوصية واسترديت ثقتي بنفسي خصوصا انها هي وبناتها دايم ينقصون فيني واني مو راعية بيت واذا جو يزوروني يحاولون يفتشون مطبخي ويعلقون ع كل شي وهذا مامسحتيه وهذا وهذا واذا فيه شي ينتقدونه مني مايحلا لهم الا قدام الناس وانا وقتها يضيع الرد وما اعرف ارد وبعدها تعالو شوفو التعذيب النفسي ليش مارديت ويجلس الموقف في بالي وتمنيت يكون موقفي كذا وكذا
المهم الحين سكنا عندهم وخلصنا والحمدالله ع كل حال وهذي رغبة زوجي الين الله يفرجها ونشتري بيت
اللي متعبني يابنات اني ارتحت منهم والحين جيت للعذاب الين بيتهم وش اسوي مو بيدي
ورجعنا الحين لنفس الدوامة
لاحظت انهم مراقبيني جدا واذا شافو شي جديد عندي اشتروا نفسه واترززوا فيه وانهم يعلموني الزين والسنع
سلفتي مقدور عليها لكن بناتها مستغلين طيبتي معاهم لأني من زمان كنت قاطه ابو جد الميانه معهم
مابي اجرح ولا ابي اذم احد
بس ابي شوية خصوصية
خواتي يخاصموني يقولون لازم تحطين حد لنفسك ولهم انتي مو صغيره ولازم يكون لك غموضك وقوة شخصيتك وعندك عيال بكرة بيتزوجون وبتمرين بمراحل تحتاجين تكونين قوية وحاطه سد على اسرار بيتك وامورك الخاصه
طيب كييييف وانا ساكنه عندهم والباب قدااام الباب
وزووجي مايبغاني اصير رسمية معاهم يقول اخوي عندي اهم من تفاهات الحرييييم
بسمة لقاء @bsm_lkaaa
عضوة جديدة
يلزم عليك تسجيل الدخول أولًا لكتابة تعليق.
عليكِ بالدعاء رددي اللهم أكفني فيهم بما شئت وكيف شئت والله يفرجها غليكِ وخليكِ رسمية في التعامل معاهم هم راح يفهمون ودقي بالكلام قولي الله يعين صديقتي فلانة ساكنة مع سلفتها وهم مثل أللصقة ماعندهم حيااء لاتسكتين على حقك أبداً كفاية صبر. على الظلم
حبيبتي الحل انك تسيرين رسميه جدا معهم ,, اول مره اقول لوحده سيري رسميه لاني اكره هالاسلوب واحسه يقيدني بس هذا هو حلك
قللي زياراتك لهم وهم كمان قللي زياراتهم لك ,, حتى لو فيه اجتماع كبير حاولي تتجنبينها هي وبناتها ,, ولا تكلمينها او توجهين لها كلام وعموما قدام الناس خلي كلامك قليل عشان ما يلقون لك طريق بانهم يوجهون لك الكلام
مثلا على سبيل المثال ,, انتي تقولي ينتقدوك قدام الناس ,, كيف بدايه الانتقاد ,, مثلا هل انتي اشتكيتي من شي ببيتك ثم هم قلبوها عليك ,, وهكذا ,, لإانتي هنا ايش تسوي ,, تنتبهي انك ابدا ماتشتكي من شي يخصك ابدا ابدا وهكذا
ان شاء الله تكوني فهمتي مقصدي ,,
وبخصوص انهم اذا شافو عندك شي جابوه ,, هذي مدري ايش تقصدي فيها ,, يعني لو قصدك ملابس و تحف و اثاث وكدا ما ح يدرو عن شي لو انتي ما دخلتيهم بيتك بكثره ,, و لاتتكلمي قدامهم بشي شريتيه او جبتيه
يعني بالمختصر حلك في لسانك ,, امسكيه عن الكلام معهم او بتواجدهم ,, وترا قل الكلام يديك هيبه وقوه وهالشي عن تجربه اقوله لك
موفقه
قللي زياراتك لهم وهم كمان قللي زياراتهم لك ,, حتى لو فيه اجتماع كبير حاولي تتجنبينها هي وبناتها ,, ولا تكلمينها او توجهين لها كلام وعموما قدام الناس خلي كلامك قليل عشان ما يلقون لك طريق بانهم يوجهون لك الكلام
مثلا على سبيل المثال ,, انتي تقولي ينتقدوك قدام الناس ,, كيف بدايه الانتقاد ,, مثلا هل انتي اشتكيتي من شي ببيتك ثم هم قلبوها عليك ,, وهكذا ,, لإانتي هنا ايش تسوي ,, تنتبهي انك ابدا ماتشتكي من شي يخصك ابدا ابدا وهكذا
ان شاء الله تكوني فهمتي مقصدي ,,
وبخصوص انهم اذا شافو عندك شي جابوه ,, هذي مدري ايش تقصدي فيها ,, يعني لو قصدك ملابس و تحف و اثاث وكدا ما ح يدرو عن شي لو انتي ما دخلتيهم بيتك بكثره ,, و لاتتكلمي قدامهم بشي شريتيه او جبتيه
يعني بالمختصر حلك في لسانك ,, امسكيه عن الكلام معهم او بتواجدهم ,, وترا قل الكلام يديك هيبه وقوه وهالشي عن تجربه اقوله لك
موفقه
الخصوصية مو معناها انك تقاطعينهم او تتخاصمين وياهم
لكن معناها انك تتعاملين معهم بطريقة الكل منكم يعرف حدوده مع الاخر ولا يتخطاها
و زوجك ليش يزعل علاقته مع اخوه شئ وعلاقتكم يالحريم شئ اخر
لكن اول الامر بيكون فيه صعوبة منك في طريقة تغيير اسلوبك معهم وهم كمان ممكن في البداية ما يتقبلون الوضع الجديد
لكن اذا انت لسه ما سكنتي عندهم بيكون الامر اسهل شوي عليك
يعني مثلا الزيارات تقنن وبمواعيد مسبقة و مايصير بيتك ( سردحي مردحي )
واذا بغوا يزورونك غرف النوم تتقفل والمطبخ تجهزي أغراضك قبل زيارتهم خصوصا اذا صارت زيارة قهوة
وتجهزيها في غرفة الضيوف وحاولي يكون الاستقبال في غرفة الضيوف مو بالصالة عشان يكون الجو أكثر رسمية
واذا حسيتي ان الامر هذا الشئ فيه صعوبة في تنفيذه حاولي تكون معك احدى اخواتك ان أمكن خصوصا في زياراتهم الاولى لك بعد ما صرتي جارتهم لان وجودها بيعطيك قوة
على تنفيذ اللي تبينه وفي نفس الوقت بيحجم تصرفاتهم الغير مرغوب فيها
وشوي شوي بياخذون على الوضع الجديد
لكن معناها انك تتعاملين معهم بطريقة الكل منكم يعرف حدوده مع الاخر ولا يتخطاها
و زوجك ليش يزعل علاقته مع اخوه شئ وعلاقتكم يالحريم شئ اخر
لكن اول الامر بيكون فيه صعوبة منك في طريقة تغيير اسلوبك معهم وهم كمان ممكن في البداية ما يتقبلون الوضع الجديد
لكن اذا انت لسه ما سكنتي عندهم بيكون الامر اسهل شوي عليك
يعني مثلا الزيارات تقنن وبمواعيد مسبقة و مايصير بيتك ( سردحي مردحي )
واذا بغوا يزورونك غرف النوم تتقفل والمطبخ تجهزي أغراضك قبل زيارتهم خصوصا اذا صارت زيارة قهوة
وتجهزيها في غرفة الضيوف وحاولي يكون الاستقبال في غرفة الضيوف مو بالصالة عشان يكون الجو أكثر رسمية
واذا حسيتي ان الامر هذا الشئ فيه صعوبة في تنفيذه حاولي تكون معك احدى اخواتك ان أمكن خصوصا في زياراتهم الاولى لك بعد ما صرتي جارتهم لان وجودها بيعطيك قوة
على تنفيذ اللي تبينه وفي نفس الوقت بيحجم تصرفاتهم الغير مرغوب فيها
وشوي شوي بياخذون على الوضع الجديد
الصفحة الأخيرة
مايحس زوجك ... لاتعطينهم وجه وتعاملي معهم بحدود والبنات وقفيهن عند حدهن
ولو إشتكو لزوجك تظااااهري إنك ماتدرين عن شي
مافيه داعي يعرف أو تحسسينه برسميتك معهم
ولاتذكرينهم إلا بالخير عنده
وإشتغلي معهن بهدوء وبدون مايحس وبكذا ترتاحين
تأدبينهن وترضين زوجك