سلفتي وشوفت نفسها/ مكرر في القسم

السلام عليكم ورحمة الله وبركاته
مثل العنوان سلفتي من حين ماتزوجت مانزلت لها ومع الايام بدانا نتكلم مع بعض وانا حاولت عدت مرات اتكلم معاها واعامل اولادها بكل ادب واحبهم بشهادتها عشان مايصير نقعد كذا طول العمر
والمشكلة هي فيها من الكبر وشوفت النفس واسمع من ناس كثير انها تحكي عني واهل زوجي يقلولي لمانذكرك عندها او نجي عندك تنقلب علينا مره برغم اني عادي يروحو عندها يذكروها مو فارقة معي وكانو يقولو الحق
واليوم تغيرو اهل زوجي وهي زادت بتكبرها وتقليل من احترامي وخصوصأ انها زوجت بنتين من بناتها تغيرت مرررة مدري ليه وايش صار كل الناس يزوجو بناتهم
واهل زوجي تقبلو كبرتها وتقليل من احترامها لهم وصارو يخضعو لها مررره لدرجة يخافو انه ممكن يجاملنوي امامها واحس يخافوها ويتقربو منها بشكل ملفت عشان لاتزعل

انا بنسبه لي يمكن الي ازعجني ان حد يقلل من احترامي ويشوف نفسه عليا ويحاول يستفزني واحس سلفتي بتحاول معي مثل ماخلت اهل زوجي يخضعو لها بتحاول معي وانا مستحيل
لدرجة خلت بناتها يسوو زيها بتعاملهم معي حتى مع عمهم زوجي ورغم معرفت اهل زوجي بأسلوبها غير انهم راضين عيني عينك ..انا استفزيت ليه كذا كلنا خلق الله مايصير ابتعدت عن اهل زوجي بسبب سلبيتهم المفرطه مش حابه يسوو مشاكل بس اقل شي يكونو مع الحق
انسحبت منهم وهي سلفتي بعد مشكلة صارت بيني وبينها ماعاد كلمنا بعض ولاحتى سلام كرامتي فوووق كل شي .. وبحاول اهتم بنفسي وببيتي اكثر وانساهم وانساها واخليهم يشبعو ببعض لاني مو حابه اتنافس على حد يعني انا وهي نتنافس على اهل زوجي واحرق اعصابي
ايش رئيكم حبيباتي ..واذا معاكم اضافات او نصائح فأسعد بها واشكركن حبيباتي مقدمآ