سلفتي وش الحل معاها؟؟؟؟؟؟؟؟؟؟؟

بنات سلفتي تصير اخت زوجه اخوي هم ماشاءالله مره حلوين ويحبون الضحك والسوالف يوسعون الصدر بس فيهم طبع غريب مره رحت عند زوجه اخوي هي ارسلت لي خواتها عندها واخوي مداوم لكن رجع بدري واشوف زوجه اخوي ترتبك وعينها على الأبواب ويضحكون مع بعض ويتوعدون لها انو يطلعون لزوجها وهي تضحك وتحلفهم مايطلعون من غرفه الضيوف لين ترجع من المطبخ وحلفتني امسك الباب
انا ضحكت لاني احسب السالفه كلها مزح الا شوي ثنتين قامو يركضون للباب ويضحكون بصوت مايع المشكله مو صغار كلهم فوق٢٣
انا صنمت مو فاهمه شي😬😐
ولما رجعت من المطبخ انا طلعت الحوش اكلم شفت اخوي طالع وقالت له زوجته يالله بسرعه اطلع وربي وربي ماظلمتها ماسكه الباب وهم يحاولون يفتحونه وصوت ضحكهم عاليه وزوجة أخوي تضحك استحيت من اخوي وش ذا😞
طبعا هذا علطول مو موقف واحد احيانا اقول لزوجه اخوي كلمي خواتك يجو نبسط تقول لا فلان موجود وسألتها ليش يسون كذا قالت يبغون فلان يقول خواتك احلى منك و يقهروني وتضحك تشوفها مزح مو شي قليل حيا لاتعليق ما رديت باقي مو مستوعبه😬


المهم أهل زوجي خطبو اخت زوجي
سألوني عنها قلت ماعرفها كويس اسالو عنها احد غيري ماقدرت اقول لهم شي بكره يتم زواجها ويقولو عيبت فيها لأنها اجمل منها وغيرانه


بعد شهرين زواج صارت تطلع بوجهه زوجي وإخوانه متعمده وتجي تضحك بمياعه زوجك شافني بالغلط وتضحك ضحك ينرفز كانها تبغى تسمع اللي برى وتقول يوه مرره احراااااج مشيت وهو باقي واقف (قصدها خق🤮ولما نروح بيتها عيونها بتطلع من راسها اذا في واحد من الأطفال طلع او دخل تجري للابواب تقفل وتهاوشهم وفيها غيره شدييييده لدرجه لو شافني زوجها وانا طالعه بالنقاب تاكلني بعيونها كأني قاتله لها احد بسم الله
ومافي احد بالبيت غير أم زوجي محد فاهم حركاتها الا انا و سلفتي واجبااااااري كل يوم جمعه نتغدا عند أهل زوجي وكل اسبوع موقف وربي لما نجتمع نكون مبسوطين ومندمجين وهذي لا تفرفر كل مره تطلع تبغى تصيد احد ترتز له
عجزت اتصرف اذا نقدت او حذرتها بتضحك وتقول غيرانه مني وماعندك ثقه وش الحل يابنات؟