سلفتي وقصتي من ست سنوات

السلام عليكم ورحمه الله وبركاته
انا داخله على الله ثم عليكم ابي حل مليت من معامله سلفتي معي من اول يوم تزوجت وهي فيه غيره وحسد مني فضيع مادري وش سبب الكل يلاحظ نظارته لي ما تبي احد يمدح فيني القصه هي متزوجه قبل بسنتين وخالتي مقدرته علشان ولده الكبير المشكله ان المراه كانت تعاملهم معامله شينه وكانت ماتحترم خالتي يعني ام زوجه وكانت شايفه نفسه عليهم وهي شخصيته مسيطرة بقوة على زوجه صار يمشي وراه وين ماتروح هي واهله يروح معهم ويسافر معهم ويصرف عليهم وهم مو بحاجه للفلوس حالتهم الماديه ممتازة بس هي اكلف ماعليه تتفخر علينا ابوي يشتغل عند امير وحنا وحنا وتعالو اسمعو الكلام اللي يرفع الظغط والمسكينه ام زوجي هي الضحيه تجامل ولده تخاف يزعل علشان هومو ساكن عندنا برياض لن شغله ضابط المهم كانو يجون كل اسبوع يغثونا وهم وغم وكنوا خوات زوجي معاه وهي الي له التصرف بكل شي هي وزوجه المهم معانتي زادت اول ماحملت ثاني شهر من زواجنا وحبينا مانعلم احد علطول والمشكله ان زوجي على نياته مرة كا شي يقول لخوة حتى راح علمه اني حامل بولد راح احوه علم زوجته من بعده وهي حلتي حاله وتعبت مرة بحملي هذا وبعده ولدت تعالو شوفو وشلون تعلق عليه بلكلام وتستهتر فيه وانا الحمد الله عارفه ان ولدي زين بس هذا من الغيره اللي فيه علشان هي عنده ثلاث بنات وكل ماقلت لزوجي وام زوجي اني برد عليه وبتهاوش معه كانت تقول انتي اكبر عقل منه وعلشاني اتركيه وانا كنت ساكنه عندهم كرهت نفسي كرهت زوجي كرهتم كلهم وسببت مشاكل لي بلبيت مع اهل زوجي وصارت حساسيه بينا والمشكله تمردت علي صارت تقول كلام جارح وحركات والله المستعان واذا شكيت على خالتي انا ماقدر اصلح مافسده الدهر الحين والشكله كل من قلت له انه تغار ليش مفروض انا الي اغار منه زوجه ضابط راتبه كم ويكفي الكل يدري انهيمشي زي المهبول تقل مافي احسن من زوجته لكن الحمدالله راضيه بزوجي براتبه اللي اقل من راتب زوجه لكن صبرت عندهم ثلاث سنوات وانا والمشاكل مدورتني دوره لكن قدر على زوجي وطلعنا بيت قلت بتنحل المشاكل الي بينا انا وسلفتي لكن هي هي حتى اول ماعزمنا بلبيت الجديد دخل وتناظر من فوق وتحت تحسب اني ماعرف اثث البيت لو تشفون وشلون نضارته لي قلت يالله بلاقي السيئه بلحسان مع ذالك ماتغير شي المشكله ان اهل زوجي عرفوه على حقيقته صارو معي انتي اليبه وانتي مشفنا منك الا كل خير مع ذالك يسبونه وتصرفاته وطول لسانه عليهم وخاصه على ولدي تكره كرة فضيع لو يمر من عند بناته الشرانيات كان تصرخ عليه مثل الجنيه انا طولت عليكم بس ابي اعرف انا كيف اتعامل معه قلنا نسكت لان الالحقران يقطع المصران مانفع معه تحسب اني قليله شر او مالي لسان كتم بنفسي وجاني القولون بسبتهم والي قاهرني اكثر انهم اذا شافوها قا مو يضحكون و معها ويسولفون معها وذا راحت سبو فيه ودي اقول لهم يطنشونها بس يقولون اخاف اخوي يزعل علينا وهذي حالتي معهم وامس شايفته الثلاثاء بزواج ومن بكره جات تسلم ماقمت له لاني ماله من حركاته معي مدت يده ومديت يدي قالت كان ماودك تسلمين يكون احسن وسحبت يده انا سكت ماقدرت ارد عليه علشان الحريم الموجوين الله يجزاكم كل خير ردوا علي وشلون التفاهم معها وخليه تحترم نفسه وعلى فكر ه ترا عقله صغير مره تحط عقله بعقل ولدي عمرة ست سنوات