سلفتي و بعدين !!!!؟؟؟

السلام عليكم

حابة افهم واسئل كيف تتجنبين سلفتك الملقوفة الحقودة ؟!

انا عندي سلفتي انساااااانة حقودة وحسودة
ماتتمنى لي الخير وامنيتها طلاقي من زوجي ( الله يكفيني شرها )

بقولكم الاشياء اللي تسويها معي علشان تفهمون اكثر

اول بدايات زوجي كانت تحرضني ع زوجي وتسبة وتتلفظ عليه بالفاظ شينة

طبعا انا كنت عروس واستحي ارد عليها ( مع العلم زوجي واهله مابيننا صلة قرابة ابدا بس
يقربون لسلفتي )

تخيلو وانا عروس قالت لي ليش ماتزوجتي واحد منكم وفيكم
قلت والله النصيب !!
ملسونة جدا ( طبعا كنت انا وياها ساكنين في منطقة بعيدة عن اهل ازواجنا واهالينا )
( بس مش ساكنين بعمارة وحدة يعني كل واحد في حي )

زوجي من اول ايام زواجنا وهو يقول لي لاتسولفين معها لاتعلمينها بشي !
كنت عندها ساكتة وهي اللي تسولف
اغلب سوالفها حش بزوجي ونعته بالفاظ سخيفة وانا ساكتة
انا هنا شكيت قلت مستحيل هالكرة لزوجي اكيد صاير بينهم شي !!!
كنت اسولف مع خوات زوجي واسئلهم بطريقة غير مباشرة كانو يقولون لي ان سلفتي خطبت اختها لزوجي لكن زوجي رفض ومايبيهم يبي من برا العايلة ومن ذاك اليوم وهي حاقدة جدا عليه!

فهمت هالشي وعرفت وصارت لما تسب زوجي اتكلم عليها والان ماتسبة !!
( نقلت انا من منطقتها لمنطقة بعيدة وارتحت نفسيا)
هي الان ساكنة مع اهل زوجي بحكم انتداب عمل زوجها !
لما اجي عند اهل زوجي اقسم بالله يا بنات ترفع ظغطي تدخل ع زوجي بكامل زينتها
مع انها تدري انه موجود مع خواته واكثر من مرة البنات يقولون لها لكن تسوي نفسها مانتبهت وتدخل
ومرة قالت لي زوجك هنا شااااافني ( مع اني دورت زوجي مالقيتة وسئلت زوجي وحلف وقال والله ماكنت في البيت ) بالله يا بنات وش تقصد
ومرة كنا جالسين انا وهي واخوات زوجي المهم اخت زوجي قالت كلمة ( انا ماعرف كلامهم ولهجتهم ) فقلت انا واهلي مانقول كذا
والله يا بنات عصبت وتكلمت قالت اصلا انتم شايفين انفسكم ومرجعكم بدو ومن هالحكي اللي سب
فيني وفي عايلتي
بس الحمدلله رديت عليها رد ماخليتة بقلبي وسكتت وطلعت لغرفتها ( انساااااانة حقوودة والغيرة ذابحتها)
وتحب تسئل وتسوي فاهمة وتتفاخر ولما يسئلوني الحريم قدامها ( يا امل وش شهادتك)
اقول بكالوريس عاد هي تقعد تطنز وتضحك وتقول شهادتها دين
مع العلم شهادة سلفتي سادس ابتدائي وماعمري تطنزت عليها قدام اي احد !
اهم شي الاخلاق والذوق !!!!

المهم انا كاره الروحة لبيت اهل زوجي بسببها ( مع ان اهل زوجي طيبيييين جدا وينحطون ع الجرح يبرئ) بس مالي خلق ناس ماعندها ذوق واسلوب !

وشلون اتعامل معها خصوصا بدخلاتها ع زوجي ؟!