سلفتي و زوجي ....آخ من وين اجت هالمصيبة؟

مساء الخير يا بنات
فيه موضوع كتير زاعجني وهو اني أنا مغتربة وقربنا ننزل اجازة عند أهلنا
المصيبة اني طول عمري بنزل وأنا مبسوطة لكن السنة الماضية كرهت الاجازات كلها بسبب سلفتي
أنا عندي سلفات وأمورنا تمام بس ما بعرف هاي من وين طلعتلي وشو بدها مني ماني عارفة
المشكلة انه عنا اختلاط وما فيه رجال لحال وحريم لحال لا كله مع بعض بنسهر سوا
سلفتي لاحظت عليها بتحاول تتمايع قدام زوجي بشكل مبالغ فيه وما بترضى تئعد الا قباله وتتطلع عليه وتتبسم وتتغنج المشكلة مو هون المشكلة جابت صورها وهي لابسة جينز وحركات واعطتهم لزوجي يشوفهم وبس زوجي يطلب مني شي تروح ركض هي كأنه يعني طلب منها والمشكلة انه هاد الحكي قدام الكل بس الكل شايف انه عادي وما حد منتبه ولأنها بتئربله كمان بس انا من نظراتها عارفة انه مو عادي وبتحاول تستفزني بشكل كبير والمشكلة زوجي ما كان ينتبه بالمرة الها بس بعد تصرفاتها صار كتير ينتبه عليها مجرد ما يسمع صوتها عطول يلف وجهه يعني مو متل اول انا بعرف زوجي لو كل العالم تيجي ما بتطلع
المشكلة اني حاولت واجهها وفهمها صارت تزيد وتعاند ولانها كمان بتئرب لحماتي وحماتي بتعشقها وكتير كتير شغلات مو عارفة احكيها
بس هلأ قربنا ننزل و مو عارفة شو أعمل وازا بهدلتها بتزيد بتزيد البنت قوية وداهية شو اعمل هل التطنيش هو الحل؟ المشكلة اني بستنى الاجازة منشان ننبسط ونشوف الاهل وهلا صارت على اعصابي حسبي الله ونعم الوكيل فيها
بليز اللي عندها حل يكون حكيم وبدون مشاكل ومواجهات تحكيلي وشكرا كتير