سلفتي يلي تزوجت بعدي بسنتين و نصف حامل .. نفسيتي تعبانه يا خواتي

السلام عليكم
كيف حالكم يا خواتي ؟
قبل كل شئ .. كل عام و أنتم بخير ......

خواتي انا صار لي متزوجه سنتين و نصف و ربي ما كتب لي حمل و لله الحمد .... سلفتي صار لها متزوجه كم شهر بس و حامل ما شاء الله تبارك الله ..

و الله يا خواتي انا ما احسدها .. و لكنني اغبطها ...
اكثر شي مضايقني انو زوجي اكبر من اخوه بـــ 5 سنوات .. عمر زوجي 34 سنه... و اخوه 29 سنه
و سلفتي اكبر مني بخمس سنوات ( هي قدد زوجها بالضبط ) .. و هذا يلي مهون علي .. و انا و الله سعيده من اجلها حيث انها كبيره في السن .. يعني لما تولد راح يكون عمرها 30 سنه

و انا امس قلت لزوجي مو مهم سن الرجل في الانجاب انتوا تقدروا تنجبوا لعمر الميه .. اهم شي عمر المرأة

و سبحان الله عندما تزوج اخو زوجي .. قلت لزوجي عندي احساس انهم راح يجيبوا قبلنا .. و قلت له انا قاعده اقولك كذا عشان اذا صار الموضوع ما تتضايق كثير و تجهز نفسك من الحين .. قالي ما راح اتضايق لانها رزقه و راح اتمنى لاخوي الصغير كل خير ..

و بالفعل اخوه الصغير مرته الحين حامل و تونا امس نعرف بالموضوع ....... اول مره اشوف الحزن في عيون زوجي لهذه الدرجه ... و لا سيما ان العيب من زوجي .. عنده نقص في الحيوانات المنويه و لله الحمد ...

و انا طبعا حاولت امسك نفسي خصوصا قدام زوجي .. بس ما قدرت قعدت ابكي و اقول الحمد لله .. اللهم آجرني في مصيبتي و اخلف لي خيرا منها ...

و ليلة امس ما قدرت انام ابدا .. فجأة لقيت نفسي قايمه على الساعه ثلاثه محتاجه افضفض لربي .. و قعدت ادعي رب العالمين بكل حزن و الم ... و لكنني لم اصلي قيام الليل لانو الدوره الكريهه جايتني ..

و الله يا خواتي كل شهر تقريبا الدورة تتاخر علي و اطلع مو حامل و لله الحمد .. بس الشهر هذا جت في وقتها ..
سبحان الله سلفتي حامل في الشهر هذا .. و انا جايتني الدورة في الشهر هذا .. ليتها تاخرت شوي كالعاده كان تأملت شوي .. بس يمكن كذا احسن عشان ما احلم و في الاخير انصدم ...

يا خواتي انا متضايقه كثيرا و مو عارفه ايش اقووول ... :(

و الحمد لله انو اهل زوجي في مدينه و انا في مدينه اخرى .. بس الصراحه ما ودي اروح عندهم موقفنا راح يكون متعب نفسيا ... اهل زوجي ما اتوقع راح يطالعونا بنظرات عتاب او غضب .. لانو الموضوع مو بيدنا .. بيد رب العالمين وحده ... بس راح يطالعونا نظرات حزن و شفقه .. و هذا النوع من النظرات جدا اكرهه ..

الله يعيني على اسئلة اهل زوجي ... ما اقصد امه و ابوه ... هم عارفين انو السبب عند ابنهم .. بس اقصد خالات زوجي و عماته و غيرهم .. الله يعيني على النظرات ... انا قبل ما يتزوج اخو زوجي .. كانوا بس يسألوني متى راح تجيبوا .. متى ؟؟ و متى ؟؟ و متى ؟؟؟
فما بالكم الآن ؟؟ راح يآكلوني أكل ..
يا ربي ايش تبغى الناس منا .. خلونا في حالنا ... و الله احنا متضايقين من تاخرنا في الحمل اكثر منهم .. بس الموضوع مو بيدنا ابدا .. كلها ارزاق ..

رمضان جااا .. و باذن الله راح استغل كل يوم فيه بالدعاء و العباده ...

اهلي مساكين زعلانين علي .. و خايفين على مشاعري ..

يا رب ما حد يحس بيلي حسيته .. لانه شعور جدا مزعج ... خواتي انا مو متخيله اروووح عند اهل زوجي و سلفتي بطنها كبير و حامل و انا لا .... احس راح تتعبني النظرات .. مشاعري اقدر اسيطر عليها و اتعوذ من ابليس و احتسب الاجر عند الله تعالى .. بس يلي مو قادره اتخيله و لا اتحمله نظرات الشفقه او العتاب يلي راح اشوفها .. يا ربي رحمتك يا الله ..

خواتي الله يرضى عليكم ادعولي اروح عند اهل زوجي و انا حامل ... و الله ما يعلم بحالي غير الله تعالى ...

اسال الله العلي القدير ان يرزقني و اياكن بالذرية الصالحه المعافاة في القريب العاجل يا رب ..

آسفه لاني طولت بس حبيت افضفض ...
اعذروني و سامحوني ..

:(