سلفت صديقتي مبلغ ومقهورة تعالوا واسوني

مرحبا بنات

صديقتي زوجها صار بدون عمل ومرت في ضائقة مالية
وسلفتها ألفين ريال
قالت لي بترجعهم لي قبل 3 شهور
وألحين انتهت المدة وفوقها 3 شهور وما رجعتهم
وكل ما أكلمها تماطل تماطل وتقول هالشهر ماعندي
لحد ما انقهرت منها مرة
واتصلت عليها وقلت لها بعد شهرين أنا محتاجة المبلغ
قالت لي برجعه لك أكيد وأنا مشغولة بتصل عليك بعدين
ولا اتصلت ولا شفت ضواها

وكلمت وحدة من أعز صديقاتها وحلفتها ما تعلمها
قالت بقولك الصراحة أوضاعها اعتدلت
ولو انها مو غنية لكن مو لذيك الدرجة فقيرة وحالتها مثل قبل
تقدر ترجع فلوسك صري عليها وكلميها
وكلمتها نفس ما ذكرت لكم

هي ما تقدر تهرب مني أدل بيتها وبيت أهلها
مع إنها مو صديقتي مرة بس سلفتها
ﻷن أشفقت عليها
أنا مو محتاجة المبلغ حاجة ماسة بس ألفين ريال تسوي خبر
أنا مقهورة منها ومقهورة على فلوسي
ايش أسوي معها؟
أصرخ عليها؟ ولا أنفجر في وجهها؟ ولا ايش بالضبط؟

مع العلم ما عندي ضمان على الفلوس
سلفتها بدون ورقة بدون اثبات
تتوقعون أنا ساذجة؟ أنا كسرت قلبي وسلفتها
هذا الموضوع وما فيه ..
شوروا علي حاسة بقهر