سلمون .. مشوي في الفرن مع صلصة كثيفة

سلام يا بنات
اليوم جربت وصفة سمك سلمون مع الصلصة .. الصراحة أول مرة أسويها
و بعدي ما ذقتها لأنها بعدها في الفرن
الوصفة خذتها من ربيعتي أمس و اليوم طبقتها ==> عاد هذا النشاط تراه مب دوم :)
المقادير :
نص كيلو سلمون ( بنات تراه السلمون غالي شوي لأنه اييبونه
من أوروبا و خاصة من السويد و النرويج من المياه الباردة - الكيلو ب 40 درهم )
و خضراوات للصلصة :
طماطم - بصل - ثوم - صلصة طماط - بصل أخضر - فلفل أخضر - بهارات)

السلمون تاخذينه ثلاث قطع أو قطعتين بدون جلد فيليه ، ما فيه داعي تقطعينهن قطع صغار
و تقلين البصل مع الثوم و باقي الخضره مع شوية ماء و تبهرينها بملح و فلفل

تحطين شوي من الصلصة على صحن بايركس و بعدين تصفين السمك بدون ما تملحينه
فوق الصلصلة بعدين تصبين باقي الصلصة على السمك

و تغطينها بألمنيوم و تحطينها في الفرن ، و تولعين من تحت بس و تخلينه لمدة ساعة

و هنيئا مريئا :)

عاد أنا اليوم بعد ما أذوق الأكلة عالغدا .. برجع مرة ثانية علشان أقولكن رايي فيها
و إذا فيه تعديلات لازم تسونها ..
ان شاء الله تعجبكن و تراه يا بنات السمك فيه دهون مفيدة جدا جدا جدا للمرأة
الي هي دهون أوميغا -3

و تسلمون