ضحيه من غلط في غلط
المفروض تشترين عرايس وتعلميها لها
وتدربيها ان ببطنك نونو
ولما جا الولد وديتيها لجدتها وكانك ما تبغيها انتي تبغي ترتاحي المفروض ما وديتيها حست انها انتهت صلاحيتها وانو عشان النونو ماعاد تحبيها
الحل
تحطي البيبي في غرفة لحاله وتحطي جهاز البكاء اللاسلكي لو بكى تروحين له
وتساعدك تحط له بودر
تبوسه
تمسك له الرضاعه تتتشارك معاك
وكل البوس والاحضان لها
انا اذكر كان عمري يا اربع سنوات او خمس لما جات اختي متتتت قهرررر
بس خفف عني اهتمام ابويه فيني وعمي وخالتي فما حسيت
ولما جبت ولدي البكر اختي الصغيره كان عمرها 5 سنوات صارت تتبول على نفسها من الغيره والقهر
فلا زم تتشاركي معاها
ولا تشتري ولا قطعه الا لها مثلها
وتعاملي مع الولد بالجمله كلكم تبوسونه
لا تركزين الاهتمام عليه
كثرة الضم الاحتضان
خليها تنام الظهر مع النونو بنفس الغرفه
وشوي شوي بتتقبل الوضع
بس لازم تعدلي
انا ولدي الثالث عندي ولدي الثاني كان صف اولى
قالها لي بالفم المليان ماما لو سمحتي لا تبوسي اخويه او تشيليه قدامي لاني احس اني اعصب من جوه وانقهر
واحترمت رغبته مع الوقت قرب مع من اخوه وصار يحبه ورجع الوضع شبه طبيعي
بس الى الان ما اقدر اشتري قطعه للصغير من غير لا اشتري لاخوه قطعه

الوحيده ياقلبي ولدك ماشاءالله كبير وعرف يعبر بس تحفه ضحكتتتت من قلب ع كلامه 
انا ولدي بعمر صاحبت الموضوع وان شاءالله جاي نونو بالطريق ربي يجيبه بالسلامه
واقول له دايما فيه نونو بكرشتي ههههه بس احس مايستوعب وهو حساس ياويل قلبي عليه بيسوي علي مهرجان 

الله يعينك على تربيتهم
اول غلطه غلطتيها إنك بعدتيها عنك ووديتيها لبيت جدتها لانه تفكر إنك ماتبينها
طبيعي الطفل يغار وبهالفتره خليهم كلهم جنبك والطفل الصغير نومه كثير استغلي هالفتره إنك تهتمين فيها وتحضنيها

بس احسك مره متوتره ونفسيتك لها دور بتأثر على اطفالك ترى كلها فتره بسيطه وتعدي وتصرفات بنتك السيئه تبقى سيئه وتعاقب عليها مو تقولين لا نفسيتها تعبانه بخليها ع راحتها
بتخرب عليك زياده

بس بالمقابل لو سوت حاجه لو صغيرونه حلوه شجعيها واحضنيها وبوسيها


الله يحفظهم لك ويقر عينك بصلاحهم


بصراحه انا بالشهر السادس وبنتي لها ثلاث سنوات وتلبس حفاضه وكنت ناويه اعلمها للحمام بس اخاف من الانتكاسه بعد مااولد

لا اله إلا الله