سمار سمار سمار .. لين متى !؟

السلام عليكم ورحمة الله وبركاته
اسعد الله مساءكن بكل خير وشهر مبارك عليكم وكل سنه وانتم طيبين ..
انا من سنوات وانا متابعه خلف الكواليس لهذا المنتدى الرائع اللي استفدت منه كثيييير جزاكم الله الف خير ..
ندخل بالموضوع ..
زواجي ان شاءالله بعد 3شهور ولوني ابدا مو عاجبني وسويت خلطات قبل سنه يمكن واتذكر كانت النتيجه مرضية نوعا ما بس القهر اني ناسيتها ..
الموهم تركت الخلطات ورجع لوني مثل قبل وكانك يازيد ما غزيت وجلست احوس بالمنتدى وافرفر لين ما لقيت موضوع العضوة الاميرة ميرال عن خلط الكريمات وقالت انه فيها كورتيزون واستخدامها شهرين او الين ما تشوفين نتيجه مرضية انا بس شفت الموضوع وطرت من الوناسه قلت واخيرا راح اودع السمار والبس اللي ابيه وبكل راحه وفعلا كتبت كل اسماء الكريمات وقلت بروح العطار واجيبهم وكل يوم يصير لي ضرف وسبحان الله ماكتب ربي اني اروح قلت لعلها خيرة لان اضرارها اكثر من منافعها ولو جربتها مثلا لين قبل زواجي وانقلبت 180درجه وش بسوي في شهر العسل لازم اتركها على طول مو تدريجيا واذا تركتها على طول احتمال ارجع اغمق من قبل وبقعد يومها اصيح ليل نهار الله لا يجيب ذاك اليوم ..
الحين صار همي توحيد اللون وتفتيح فقققط ..
تكفون يا بنات ابي برنامج خلطات تكون شامله للوجه والجسم كلللله من الى ..
انا وجهي فاتح شوي وصدري فاتح شوي بس المشكله ظهري وماادراك ما ظهري لونه ينرفزني مو مثل لون وجهي ..
طبعا المؤخرة والمنطقه الحساسه حدث ولا حرج شي فظيع ..
اقسم بالله يابنات من يوم بلغت وصرت اهتم في نفسي عمري مالبست الوان فاتحه ابيض بيج سماوي مستحيل البسها دايم كم طويل وظهر مقفل والركب والاكواع سودا ووع ووع متفشله منهم مره ويديني تقولون يد شغاله :44: معفطه كذا وركب الاصابع سودا استخدمت زيت جنين القمح وفتحني نقطة وحده بس وانواع التحطيم لان خطيبي ابيض مني ومره شايله هم وشلون بلبس فستان الزواج لاني عارفه اذا لبست الابيض يقلب لوني بني :
اقسم بالله شايله هم ذاك اليوم لان يوم ملكتي تعقدت كان لوني مره مو حلو مع ان كل مارحت صالون يقولون وين مسوية التان
لونك مرة حلو ماشاءالله
بس انا مو عاجبني :(
الله يخليكم قدامي 3شهور بالضبط ابي اطلع وحده ثااانيه بدون كورتيزون ومواد ضارة يكفيني توحيد اللون وتفتيح كامل مو بس الوجه ..
الله يجزاكم الجنة ودعواتكم يالغاليات :love: