كيفكم !!!
إن شاء الله بصحة وعافية
أدخل بالموضوع على طول !!!
زوجي بيحب السمان ودايم يجيبو
فكنت أصلحه مع الكبسة ( مثل التصليح العادي بالدجاج )
أو أصلحه بصينية خضار :p !!
لكن ماااااااش
أحس انو السمان ما يصير سمان مضبوط لما يكون محشي
وآخذ طريقتو من أخت مصرية الله يجزاها خير
وكنت خايفة من التجربة
بعدين قلت ... يالله يابنت ايش معنى نضبط الكشري ومحاشي الخضار.. ومحشي السمان لأ !!!!
وأستعين بالله وأنا خااااايفة من الفشل !!!
بس الحمد لله .. طلعت النتيجة كوووووووووووويسة :icon28:
وجاني مدح لما انتفــــــــــــــــــــــــــــخ راسي :biggrin:!!
أترككم مع الطريقة والصور
ملحوظة :
بنات أنا مصلحة الطبق وأنا تعباااانة وبرضو كانت نفسيتي تعبانة :44:
فاعذروني على الشغل البلدي ( مو متكتك )
بس لما شُفت كيف الطبق ناجح ارتفعت معنوياتي وراحت ضيقة الصدر :pinklove:
وندمت على الشكل الوحش للطبق !!!!
بسم الله
أولا هذا نوع السمان اللي استعملتو ( استرا ) من بنده .. صورته بعد ما طلعت منه السمان
1
نظفت السمان مضبوط بالمويه والملح والخل
2
وكنت مجهزة الحشوة .. وللأسف ما صورت طريقتها لأنو هي أول حاجة بديت فيها
بس مررررة سهلة :
كاسة رز منقوعة
وكشنت بصل وثوم وأضفت له بهارات / فلفل أسود / قرفة / وطبعا ملح
ثم أضفت له الرز المنقوع وحركته معاه على نار هاديه
لما غمق لونه وتفلفل .. ثم أضفت له قليل من الماء للسلق
وتخلينو لما يكون نصف استواء
( ممكن تضيفي له ماجي مثل ماقالت صاحبتي بس أنا ما أحب أستعملو خالص )
وتعرفون الحشوة لازم تكون ناااااطعة .. فكثرت البهار والفلفل
بعد ما استوت الحشوة أضفت لها بقدونس مفروم ( هذي زيادة من عندي )
أنا ما أصلح حشوة لأي حاجة إلا ببقدونس أو كزبرة
بيعطي طعم رااااااااااااائع ونكهة خاصة
3
بعد كذا بنبدأ عملية الحشو
4
وكذا خلصنا حشو
5
نقفل السمان بعود أسنان لأجل نمسك الحشوة جوا
6
نجي لسلق السمان
قطعي بصل شرايح وتبليه بملح وفلفل وبهارات وهيل وورق غار مثلا ... أو مثل ما تحبي
7
وأضيفي له السمان وقلبيه معاه شويه ( بكذا يكتسب طعم التكشينة )
لما يتغير لونه
8
ثم عدليهم ( واقفين ) لأجل تكبي عليهم ماء السلق وما يطلع كثير من الحشوة بالقدر
9
تملحيه وتخليه 25 دقيقة تقريبا لما ينضج
10
نضج وطلعناه بقالب التحمير
11
نضيف لو صلصة وشويه بهار لطعم أفضل ونحمره بالشواية
15
بعد كذا ناخذ موية سلق السمان ونصفيها
ونكون قبل كذا ناقعين رز ( الطبق الأساسي )
ونضيف مرقة السمان للرز ونسلقة عادي
12
وهذا شكلهم ( صورة جماعية ) بعد النضج ..
16
ما أحلا رز باب الهند
ومع سلطة خضراء .. آخر لزازة
17
ومثل ما قلت لكم
اعذروني على الشكل النهائي لأني كنت بجد تعبانة
ويارب يكون حاز إعجابكم
وحبيت أقول انو مررررررة سهل بس يحتاج وقت
ودمتم بخير
