طبعاً كلنا بدأنا نفرزن لرمضان الحلو والمالح
وانا بالنسبة لي فرزنت أكله مره أحبها وان شاء الله تعجبكم
نجي للمقادير:
جبنة كيري
عجينة السمبوسة سويتز أو لوزين أو أي نوع جاهز تفضليه
دقيق وموية لتلصيق العجين
وشيرة>> اذا بتقليها على طول
لكن اذا بتفرزنيها ما نحتاج الشيرة
الطريقة:
1. نقص العجينة من الوسط بالتساوي حتى تسير كذا.
2. ونقصها ايضاً بالعرض حتى تسير بهذا الحجم.
3. ثم نقطع الجبنة الكيري لجزئيات صغيرة.
4. وبعدين نبدأ بوضع الجبنة على العجينة.
5. ونبدأ نلفها زي السمبوسة العادية.
6. ونلصق طرفها بمخلوط الدقيق والموية.
وبكذا انتهينا من عملها..
ما اعتقد انه فيه أسهل من كذا!!!
واذا بتقليها على طول
حمي الزيت وحطيها فيه ولا تحمريها مره
بعدين طلعيها ونشفيها وغمسيها بالشيرة على طوووول والأفضل انه الشيرة تكون حارة عشان تتشربها مزبوووط
واذا بتفرزنيها فرزنيها من غير شيرة بعلبه او كيس نايلون
واعذروني ما صورتها بعد التقديم لأني فرزنتها
وبالعااااااافية