مرحبا خواتي
هذا ثاني طبق اشاركم فيه والجاي اكثر ان شاء الله
بالنسبة لسمبوسك اللحم والله يا خواتي انه مقرمش ولذيذ بشكل
ومتأكدة أي وحدة راح تجربه ما راح تستغني عنه
المقادير ..
اول شي مقادير العجينة ...
3 أكواب ماء
3 ملاعق زيت
1/2 ملعقة ملح
3 أكواب دقيق
مقادير الحشوة ...
طبعاً ممكن تسوينها بأي حشوة متعودة عليها
بس أنا اسويها بحشوة لحم مفروم وهي عبارة عن ...
كيس لحم مفروم
بصلة كبيرة مقطعة قطع صغيرة
بازلاء اخضر مثلج او معلب بس المهم يكون حجمه صغير لأن الحبات الكبيرة ما تناسب السمبوسك
زبدة اوو زيت
اهم شي البهارات ( كمون ، فلفل اسود ، كركم ، قرفة ، بهار مشكل ، ليمون اسود مطحون ، فلفل احمر ) انا احط رشة من كل واحد وطبعاً يبقى شي تقديري وحسب الرغبة اللي تبي اكثر او اقل بكيفها
ملح حسب الرغبة
الطريقة ...
اول شي في قدر على النار نحط الماء ونحط معاه الزيت والملح ولما يغلي نرفعه عن النار
ثم نضيف عليه الدقيق ونحركها بملعقة خشبية ونتركها تبرد
في الوقت اللي تبرد فيه العجينة نجهز الحشوة
اول شي نقطع البصل ونحطه على النار لما ينشف نحط عليه الزيت او الزبد ونخليه لما يصير اصفر
في هالاثناء نكون غسلنا اللحم المفروم وصفيناه من الماي ونضيفه على البصل ونحرك ونغطيه ونتركه على نار هادئة
بعد حوالي 5 دقايق راح يكون قرب ينضج نحط عليه الملح والبهارات ونرجع نغطيه ونحرك كل مدة لو نشف وقرب يحترق ولكن نحسه ما نضج كفاية ممكن نضيف له فنجان ماي ونغطيه مرة ثانية
في اخر دقيقتين او 3 دقائق نحط البازلاء الخضرا ونخليها على النار ما راح تاخذ وقت وايد
السسر في لذة الحشوة هو النار الهادئة لأن اللحم بيكون ناضج وبياخذ طعم البهارات والبصل وبتكون نكهته ولا اروووع
لما تنضج نرفعها عن النار
المهم الحين اكيييد بتكون العجينة باردة وممكن نشتغل فيها
اول شي نعجيها زين زين
ونبدأ نشتغل فيها .. ناخذ كرة صغيرة ونكورها ونحشيها ونشكلها حسب الرغبة بسس نحاول نخلي العجين رقيق قدر الامكان علشان تطلع مقرمشة
انا سويتهم انصاف دوائر
بعد ما ننتهي من كل الكمية نقليهم في زيت غزززير وعلى نار متوووسطة
وتزين بالبقدونس
وتقدم ساخنة
ملاحظة .. ابداً لا تغلفون السمبوسك بعد القلي حتى لو برد لأنه بيفقد القرمشة وبيصير لييين
آسفة خواتي ما صورت رغم اني امس مسوية ولكن والله وانا اقلي حبات السمبوسك تطيييير وهي ساخنة ما لحقت اصور شي
اعذروني .. ومرة ثانية ان شاء الله احط الصور
البحريينية @albhryyny
عضوة جديدة
يلزم عليك تسجيل الدخول أولًا لكتابة تعليق.
لوله الفله
•
يسلمووووووووووووو
لوله الفله .. الله يسلمج عزيزتي
أم الذرابة .. الله يعافيج اختي .. ويسلمج
مشاعر90 .. سمحو لي اختي انا للحين جديدة في المنتدى :)
رشـــ عطر ـــة .. الله يسلمج اختي .. ويعافيج ... وانتي اللي سمحي لي حطيت الموضوع مو في مكانه
مشكورين خواتي .. وتواجدكم في الموضوع اسعدني
تحياتي
أم الذرابة .. الله يعافيج اختي .. ويسلمج
مشاعر90 .. سمحو لي اختي انا للحين جديدة في المنتدى :)
رشـــ عطر ـــة .. الله يسلمج اختي .. ويعافيج ... وانتي اللي سمحي لي حطيت الموضوع مو في مكانه
مشكورين خواتي .. وتواجدكم في الموضوع اسعدني
تحياتي
الصفحة الأخيرة