سمبوسة البصل الهندية

هلا وغلا وسلة حلا
وش جاب البصل للحلا 😜
المهم هالسمبوسة تتكون بس من بصل بدون لحم ولا اشياء ثانية فقط بصل وتعتمد ع نكهة البصل والبهارات ومشهورة حيل بالهند
وتراها سبايسي ولذيذة
وترا هالنوع من هالحشوة مايصلح تحشينه بسويتز
لازم السمبوسة اللي تجي بالزيت مثل دلتا بالزبت او عجينة البف
سمبوسة البصل
هالنوع من السمبرسة مشهورة كثير بالهند وحشوتها فقط بصل ونكهتها معتمدة عالبصل والبهارات فقط من غير اي نوع لحم
نحتاج الى عجينة سمبوسة جاهزة تكون بالزيت نفس دلتا بالزيت او بو يمن او غيرها
الحشوة عبارة عن
٤ بصلات كبار مقطعات جوانح نحيفه مره
البهارات ( مكعب ماجي ، فلفل احمر حار ، كاري ، كزبرة بودرة ، كمون بودرة ، فلفل اسود ، بهارات البرياني الجاهزة او بهار مشكل ، ملح ، كركم ، بابريكا ، زنجبيل ، ثوم بودرة )
ربع كوب كزبرة مفرومة
ملعقة طعام من معجون الثوم والزنجبيل
ملعقة طعام شطة سومطرة
ملعقة طعام معجون طماطم
ملعقة طعام كاتشب
نكشن البصل بزيت زيتون اذا بدا ينشف الزيت نضيف له ربع بيالة ماء ونخليه ع نار وسط
ونستمر بالتحريك لين يذبل البصل
كل مانشف الماء نضيف له شوي
لين يذبل
ثم نضيف له معجون الثوم والزنجبيل والبهارات
وكل المقادير
لين تتكشن عندنا الحشوة
بعدها نتركها تبرك ونحشي فيها السمبوسة
ملاحظة البهارات كلها حسب الرغبة والافضل انك تحطين نص ملعقه صغيرة من كل نوع ماعدا الفلفل الاحمر حسب رغبتك
تلف السمبوسة وتقلى وبالعافية
لاتنسون الصلاة على النبي محمد 🌸
ضيفوني بالانستجرام لمتابعة بقية وصفاتي
بالصور
@tab5book