صباح / مساء .. الخير لجميلات عالم حواء
وكل عام وأنتم بخير وسعادة وراحة بال
وحشتوووني والله .. وادري كمية غباااار طلعت من يوزري يوم فتحته
بس رجعت لكم بطريقة سهلللة ومضبوطة لعجينة البف متأكدة راح تعجبكم وراح تحبونها بإذن الله ..
طبعاً هي تختلف شوي عن الطريقة الأصلية للبف الحجازي
واكيد حبيباتي الحجازيات منزلين طريقتهم المميزة واللذيذة كذا مره
بس هذي الطريقة انا عدلت وزودت ونقصت فيها الين ماضبطت وصرت خلاص معتمدتها من ثلاث سنين
وفي نفس الوقت سهلة وبتضبط من اول مرة بإذن الله ..
وكنت منزلة الطريقة عالانستقرام لأهلي وصديقاتي .. لكن قررت أنزلها هنا عشان تفيد اكبر شريحة تحتاجها ويكون سهل الوصول لها في أي وقت ..
والطريقة والصور حلالكم مع حفظ الحقوق وما أبي منكم الا دعوة حلوة مثلكم لي ولمامتي
نبدأ فالمقادير :
هذا المقدار الأساسي ويكفي لشخصين تقريبا .. وانتي ضاعفي الكمية حسب حاجتك
كوب دقيق (أبيض أو اسمر أو نص نص عادي براحتك)
نص ملعقة نشأ
ملعقة حليب بودرة
ملعقتين زيت
ماء للعجن
ولاتنسين الملح لو كان الدقيق غير مملح
الطريقة : أول شيء نخلط المقادير الجافة مع بعض
ثم نضيف الزيت وتفركه معاها مضبوووط
ثم نبدأ نضيف الماء بالتدريج حسب حاجتنا (لأن الكمية تختلف حسب نوع الدقيق)
أنا تقريبا أحتجت ثلث كوب
ونعجنها مضبوط .. سواء بيدك او بالعجانة
حتى نحصل على عجينة متماسكة تميل للقساوة
ونتركها ترتاح خمس دقايق .. ثم نرجع نعجنها مرة ثانية مضبوط (وهذا سر مهم في نجاح العجاين تعلمته من مامتي الغالية)
بعد كذا نترك العجينة ترتاح قبل الفرد عشر دقايق تقريبا..
والآن بعد ما ارتاحت عجينتنا راح نبدأ نشتغل فيها ..
أول شيء نرش السطح بالدقيق ..
ونقسم العجينة الى كور متوسطة .. لاحظوا قوام العجينة
ونبدأ نشتغل فيها قسم قسم ..
نفردها بالماكينة حسب السمك اللي تحبون ..
ثم نبدأ نحشيها ونشكلها بالشكل اللي نحب ..انا هنا استخدمت قوالب الضفيرة
وهذا شكلها قبل القلي
يتبع ...........
واللحين جاء وقت القلي ..
وراح اعلمكم على طريقة سهلة فالقلي تعلمتها من مامتي الله يجزاها عنا كل خير ويجعلها في موازين حسناتها
اذا كنتي حابة تطلع معاك جميع الحبات لون واحد وشكل واحد ومرتب
ارفعي شبك القلاية وحطي الحبات فالزيت ثم حطي الشبك عليها واذا صار الشبك يرتفع مره .. ممكن تحطين عليه اي ثقيل خفيف يمسكه .. سكين اللحم مثلاً
لا تستغربون الطريقة .. جربوها واحكموا
وهذي هي النتيجة شايفين كيف طالعة شكل ولون واحد
ملاحظة/
اذا تبين السمبوسة تضل هشة ومقرمشة فلاتكتمينها في حافظة وهي حارة لأنها راح تطرى معاك ..
وهنا جمعت لكم الوصفة في بوست واحد اسهل لكم ..
وهذي طريقة القلي ..
وبس والله .. كانت هذي وصفتنا .. وإن شاء الله تطبقونها وتعجبكم ..
واعتذر اذا كان الموضوع غير مرتب أو فيه بعض الاخطاء .. من زماااان عاد عن المنتدى وكل شيء تغير علي ..
تقبل الله منا ومنكم صالح الأعمال ..وأستودعكم الله اللذي لاتضيع ودائعه ..