كيف الحال ؟
قبل كم يوم سويت سمبوسه بنوعين حشوه
استخدمت الرقاق السنبله
الحشوات
الحشوه الاولى :
لحم مفروم حطيتها في مويه عالنار واضفت له الملح والبهارات
وقبل مااطفي النار بشوي اضفت 2 بصل مفروم
الحشوة الثانيه والمميزه :
3 حبات بطاطس قشرتها وقطتها مكعبات صغيره وسلقتها .. وعلى بال ماتنسلق
حطيت عالنار 2 بصله مفرومه مع شوي زيت زيتون وحمستها واضفت نص ملعقه صغيره ثوم مهروس ولمن صار لونها ذهبي اضفت مقدار الكف خضار من المجمده واضفت لها شوي مويه
وبعدين حطيت 2 ملعقه معجون طماطم
وملح وبهارات واللي تتكون من ( فلفل اسود واحمر بودره وكمون ) الفلفل براحتك على حسب الحراره اللي تبغيها انا خليتها حاره
وبعدين تركتها حتى تتسبك ويستوي الخضار وتنشف المويه
واخذت قدر البطاطس وصفيته من المويه واضفته لخلطة الخضار وقلبتها
وبكذا انتهيت من الحشوات
نجي للصوص : مرررررره سهل
اول شي ناخذ نص غزالة كزبره بس الاوراق ونحطها فالخلاط مع نص علبه زبادي مع ملح وكمون شوي وبعد كذا فرمتها ناااعمه واضفت لها رشة من ملون الاكل البرتقالي ( اختياري )
ولمن فرمتها بتكون مرررره خفيفه حطيتها فالعلبه واضفت باقي علبه ونص الزبادي وخلطها وحطيتها فالثلاجه لوقت التقديم عشان تثقل شوي
وهذي الصور
سمبوسة اللحمه
وهذي بعد التغميس فالصوص .. يم .. يم
وهذي سمبوسة الخضار الحلوه
آآآآآآآآه والله اشتهيتها
وهذا الصوص
إن شاء الله تعجبكم سمبوستي واشوفها فالمجربه
اللي تعجبها سمبوستي لاتنساني من دعواتها الله يسعدكم